Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Maleaki 4:1-6

4  Yehovah di e tiri den legre taki: „Luku! Wan dei e kon di faya leki wan onfu.+ Ala den heimemre sma nanga ala den ogri sma o kon de leki drei grasi.+ A dei di e kon o bron den gowe, so taki nowan rutu noso taki fu den tan abra.+  Ma gi unu di e sori lespeki gi mi nen, a son fu retidu o skèin.+ A leti* fu en o dresi sma.+ Dan unu o dyompo fu prisiri leki fatu yongu kaw.”+  „Unu o trapu na tapu den ogri sma, bika den o tron leki asisi na ondro un futu na a dei te mi o du den sani disi”,+ na so Yehovah di e tiri den legre taki.  „Un pipel, un musu memre a wèt di mi taigi mi futuboi Moses fu gi heri Israel di a ben de na Horeb. Memre ala den wèt nanga komando+ di mi gi unu.  Mi o seni a profeiti Elia+ gi unu, fosi a bigi dei fu Yehovah doro, te sma o frede srefisrefi.+  A o meki na ati fu den papa kon de leki di fu den manpikin èn a o meki na ati fu den manpikin kon de leki di fu den papa.* Efu den no du dati, mi o kon naki grontapu èn mi o pori en krinkrin.”+

Futuwortu

Hebrewtongo: „den frei fu en.”
Noso: „A o meki na ati fu den papa drai kon baka na den pikin èn a o meki na ati fu den pikin drai kon baka na den papa.”