Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Hosea 4:1-19

4  Un Israelsma, arki san Yehovah abi fu taki, bika Yehovah o tyari den sma di e tan na ini a kondre,+ go na fesi krutu. Nowan sma na ini a kondre e taki san tru,+ nowan sma abi bun-ati, èn nowan sma sabi sani fu Gado.+  Na ala sei sma e fluku,+ den e bedrigi,+ den e kiri,+ den e fufuru,+ èn den e du sutadu.+ Moro nanga moro sma e trowe a brudu fu trawan.+  Dati meki a kondre o de na row.+ Ala sma na ini a kondre o kon swaki te fu dede. Ala den busimeti, den fowru na loktu, nanga den fisi na ini se o dede.+  „Nowan sma musu haritaki+ nanga a pipel disi èn nowan sma musu piri-ai gi den, bika den de leki sma di e haritaki nanga den priester.+  Unu o stotu un futu na deiten+ neleki na neti+ unu de. Srefi wan profeiti o stotu en futu neleki unu. Mi o kiri un mama tu.+  Mi pipel o dede, bika den no abi sabi.+ Fu di unu no wani abi sabi,+ meki mi no o meki unu wroko leki priester gi mi.+ Fu di unu frigiti den wèt fu un Gado+ ibri tron baka, meki misrefi o frigiti den manpikin fu unu.+  O moro priester de, o moro den e sondu.+ Na presi fu gi mi glori, den e gi mi syen.+  Den priester e nyan bun fu a sondu di mi pipel e sondu. Ala ten na soso ogri den wani du.+  A srefi sani di o pasa nanga a pipel, o pasa nanga den priester.+ Mi o aksi den frantwortu fu a fasi fa den e tyari densrefi.+ A srefi sani di den du, mi o du nanga den.+ 10  Den o nyan, ma a no o sari den.+ Den o libi nanga uma neleki den uma na huru-uma, ma den no o kisi pikin.+ Den sani disi o pasa nanga den fu di den no abi lespeki moro gi Yehovah.+ 11  Hurudu, win, nanga switi win meki taki den lasi den frustan.+ 12  Mi pipel e tan suku yepi na udu+ popki di den e dini leki gado, èn den e suku rai+ na den wakatiki fu den. Fu di den wani du hurudu ala ten, meki den lasi pasi.+ Na hurudu meki taki den no wani saka densrefi na ondro a Gado fu den.+ 13  Den e tyari srakti-ofrandi+ na tapu den ede fu den bergi èn den e tyari smoko-ofrandi+ na tapu den pikin bergi. Na a srefi sani den e du tu na a kowrupe+ ondro den bigi bon di abi furu wiwiri èn ondro den storaks-bon. Dati meki den umapikin fu unu e du hurudu èn den uma di trow nanga un manpikin e du sutadu. 14  Mi no o aksi den umapikin fu unu fu gi frantwortu fu a huru di den e huru èn mi no o aksi den uma di trow nanga un manpikin frantwortu fu a sutadu di den e du. Bika na den man e go na den huru-uma,+ èn na den e tyari ofrandi makandra nanga den tempel huru-uma.+ Dati meki a pipel disi di no abi frustan+ o kisi pori. 15  Israel,+ awinsi yu e du hurudu, toku Yuda no musu du a srefi sondu.+ Un no musu kon na Gilgal+ èn un no musu kon na Bet-Afen.+ Te unu e meki sweri, dan un no musu taki tu: ’Mi e sweri na a libi fu Yehovah!’+ 16  Bika Israel kon tranga-ede leki wan kaw di no wani arki en basi.+ We, dan fa Yehovah o luku den neleki wan skapuman di e luku en yongu manskapu na wan bigi weigron? 17  Efrayim e bumui nanga falsi gado.+ Meki a tan fu en!+ 18  Te den man no abi biri moro,+ dan den e go libi nanga den uma neleki den uma na huru-uma.+ Den sma di e kibri en,+ lobi fu du syen sani trutru.+ 19  Wan winti wai en gowe.+ Den o syen fu den ofrandi di den e tyari.”+

Futuwortu