Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Hosea 2:1-23

2  Taigi un brada: ’Unu na mi pipel!’+ Taigi un sisa: ’Gado o sori sari-ati gi unu!’+  Tyari un mama na fesi krutu+ èn meki den krutu en, bika a no de mi wefi+ èn mi a no en masra.+ Meki a tapu nanga a huru di a e huru, èn no meki a du sutadu* moro.+  Noso mi o puru ala en krosi na en skin èn a o de nanga sososkin+ neleki fa a ben de di en mama meki en.+ Mi o meki a tron leki wan sabana+ èn wan presi pe watra no de.+ Watra o kiri en teleki a dede.+  Mi no o abi sari-ati+ gi den manpikin fu en, bika den de hurupikin.+  A mama fu den du hurudu.+ Na uma di tyari den na ini en bere, du syen sani.+ A taki: ’Mi wani go na den freiri fu mi+ di e gi mi brede, watra, krosi di meki fu skapu-wiwiri, krosi di meki fu linnen, oli, nanga sani fu dringi.’+  Fu dati ede mi o meki wan skotu fu makabon na en lontu èn mi o meki wan ston skotu gi en.+ Mi o meki a lasi pasi.+  A o lon go na baka den freiri fu en, ma a no o kisi den.+ A o suku den, ma a no o feni den. Dan a o taki: ’Mi o drai go baka na mi masra,+ a fosi man fu mi,+ bika drape mi ben abi en moro bun leki now.’+  Ma a no ben e si+ mi leki a sma di ben gi en aleisi,+ switi win, nanga oli. Na mi ben e gi en bun furu solfru nanga gowtu. Ma a gebroiki dati gi Bâal.+  ’Dati meki mi o libi tra fasi nanga en now. Te a kotiten doro, mi no o gi en aleisi. Te den e masi droifi fu meki win, mi no o gi en switi win moro.+ Den krosi fu skapu-wiwiri èn den krosi fu linnen di mi ben gi en fu weri, mi o hari puru na en skin, so taki a o de nanga sososkin.+ 10  Mi o meki den freiri fu en+ si en syenpresi. Nowan mansma o man puru en na mi anu.+ 11  Mi no o meki a prisiri moro.+ Mi no o meki a hori Nyunmun-fesa,+ Sabat, noso iniwan tra fesa,+ èn a no teki prati na den fesa di e hori ibri yari. 12  A ben taki fu den droifibon+ nanga den figabon+ fu en: „Na den freiri fu mi gi mi den bon disi.” Ma mi o pori den bon. Mi o meki den tron busibusi,+ èn den meti na ini busi o nyan den. 13  Mi o aksi en frantwortu+ fu den smoko-ofrandi+ di a ben e tyari gi den Bâal-popki.+ A ben e moi ensrefi nanga en linga èn nanga moimoi sani,+ èn a ben e go na den freiri fu en.+ Ma na a ten dati a frigiti mi’,+ na so Yehovah taki. 14  ’Fu dati ede mi meki muiti fu a go na ini a sabana.+ Mi o taki nanga en na wan switi fasi+ èn a o du san mi taki. 15  Na a ten dati mi o gi en den droifidyari fu en,+ èn mi o meki a pasa Akor-lagipresi+ di o de leki wan doro fu howpu. Dan a o piki mi neleki fa a ben e du di a ben yongu+ ete èn di a ben komoto na Egepte.+ 16  Na a dei dati’, na so Yehovah taki, ’yu o kari mi yu trowmasra. Yu no o kari mi yu Bâal moro.’+ 17  ’Mi no o meki a kari den nen fu den Bâal-popki moro+ èn a no o memre den nen fu den gado disi moro.+ 18  Na a ten dati mi o meki wan frubontu gi mi pipel, so taki den busimeti,+ den fowru di e frei na loktu, èn den meti di e kroipi na gron no du den noti. Mi o broko a bo nanga a feti-owru, èn feti no o de moro na ini a kondre.+ Mi o sorgu taki den no o frede noti te den e sribi.+ 19  Mi o meki mofo fu trow nanga yu èn mi o tan nanga yu ala ten.+ Mi o meki mofo fu trow nanga yu fu di mi na wan reti-ati sma, mi e krutu sani na wan reti fasi, mi abi switifasi, èn mi abi sari-ati.+ 20  Te mi o trow nanga yu, dan mi o tan nanga yu ala ten. Yu o sabi Yehovah.’+ 21  Yehovah taki: ’Na a dei dati, mi o du san hemel aksi, èn hemel srefi o du san grontapu aksi.+ 22  Dan grontapu o du san na aleisi,+ a switi win, nanga na oli aksi. Èn den sani disi o du san Yisreyel aksi. [A nen disi wani taki ’Gado o sai siri’.]+ 23  Mi o sai en leki siri na grontapu.+ Mi o abi sari-ati gi na uma disi aladi sma no ben sori sari-ati+ gi en. Mi o taigi den sma di no de mi pipel:+ „Unu na mi pipel.” Dan den o taki: „Yu na wi Gado.”’”+

Futuwortu

Hebrewtongo: „meki a puru sutadu na mindri en bobi.”