Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Hosea 14:1-9

14  „Un Israelsma, grantangi, drai kon baka na Yehovah un Gado,+ bika a sondu fu unu meki taki unu fadon.+  Te unu o drai kon baka na Yehovah,+ dan unu musu taki sani di e sori taki unu e sari fu den sondu fu unu. Un alamala musu taigi en: ’Gi wi pardon fu wi sondu.+ Teki den bun sani fu wi, dan wi o prèise yu. Meki den wortu fu wi mofo de leki yongu mankaw di wi e tyari leki srakti-ofrandi gi yu.+  Asiria srefi no o frulusu wi.+ Wi no o rèi na tapu asi.+ Noiti moro wi o meki wan sani èn kari en ’wi Gado’, bika na yu sori sari-ati gi pikin di no abi papa.’+  Mi o meki a pipel disi kon betre, dan den o gi yesi na mi baka.+ Mi o lobi den, fu di misrefi wani dati.+ Mi ati no o bron nanga den moro.+  Mi o tron leki dow gi Israel.+ A o gro moi leki wan leilibromki, èn a o panya en rutu leki wan bon fu Libanon.  Den pikin taki fu en o gro kon bigi èn a o moi leki wan olèifbon.+ A o smeri switi leki wan bon fu Libanon.  Mi pipel o tan baka na a kowrupe fu mi.+ Den o prani aleisi èn den o sproiti leki wan droifibon.+ Sma o taki fu mi neleki fa den e taki fu a win fu Libanon.  Efrayim o taki: ’San mi abi fu du nanga falsi gado?’+ Misrefi o yere en èn mi o luku en.+ Mi de leki wan yaneifer-bon di abi furu wiwiri.+ Unu musu kon suku froktu na mi.”  Suma koni fu man frustan den sani disi?+ Suma e si sani krin fu man sabi den sani disi?+ Den pasi fu Yehovah reti,+ èn den sma di e du san reti o waka na tapu den pasi dati.+ Ma den sma di no e du san reti, o stotu den futu na tapu den pasi dati.+

Futuwortu