Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Hosea 12:1-14

12  „Efrayim e nyan winti+ èn heri dei a e lon baka a winti di e komoto fu owstusei.+ A e lei moro nanga moro. Na wan ogri-ati fasi a e fufuru moro nanga moro.+ A meki wan frubontu nanga Asiria+ èn a tyari oli gi Egepte.  Yehovah o tyari Yuda na fesi krutu+ èn a o aksi Yakob frantwortu fu den sani di a du.+ A o strafu Yakob fu den sani di a du.+  Na ini en mama bere Yakob grabu en brada na en bakafutu,+ èn nanga ala en krakti a feti nanga Gado.+  A tan feti nanga wan engel èn te fu kaba a wini.+ A krei fu man kisi wan blesi.”+ Na Betel Gado feni en,+ èn na drape Gado bigin taki nanga en.+  A Gado dati na Yehovah, a Gado di e tiri den legre.+ Ala ten sma o sabi en leki Yehovah.+  „Un musu drai go baka na un Gado.+ Un musu abi bun-ati+ èn un musu du san reti.+ Un musu howpu tapu un Gado doronomo.+  Den bisnisman e bedrigi sma nanga den wegi fu den.+ Na bedrigifasi den lobi.+  Efrayim e tan taki: ’Ai, mi kon gudu.+ Mi feni furu gudu gi misrefi.+ Nowan sma kan taki dati na ogri mi du fu kisi den gudu disi.+ Mi wroko tranga fu den.’  Sensi a ten di unu ben de na Egepte,+ mi na Yehovah un Gado. Mi o meki unu tan na ini tenti baka, neleki fa unu ben tan na ini tenti na den fesadei. 10  Mi ben taki nanga den profeiti+ èn mi ben gi den furu fisyun. Doronomo mi ben meki den profeiti fruteri agersitori.+ 11  Den sma fu Gilead ben e bonu+ èn den ben e lei.+ Na Gilgal den tyari mankaw srefi leki srakti-ofrandi.+ Boiti dati, den altari fu den de leki ipi ston na den gron di plugu kaba.+ 12  Yakob lon go na den gron fu Siria.+ Israel+ tan wroko fu kisi wan wefi.+ A ben e luku skapu fu kisi a wefi.+ 13  Yehovah gebroiki wan profeiti fu tyari Israel komoto fu Egepte.+ A meki wan profeiti kibri en.+ 14  Efrayim meki Gado kisi bigi atibron.+ Na en srefi o abi fu tyari a frantwortu fu den sma di a kiri.+ En Gran Masra o strafu en fu a syen di a gi en.”+

Futuwortu