Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Hosea 10:1-15

10  „Israel e tron wan busi-droifibon.+ A e tan meki froktu gi ensrefi nomo.+ O moro froktu a e meki, o moro altari a e bow.+ O moro nyanyan a gron e gi, o moro a e meki ala sortu kefalek santa pilari.+  A pipel e hoigri.*+ Dati meki den o kisi krutu. Wan sma o broko den altari fu den. A o pori den santa postu fu den.+  Dan den o taki: ’Wi no abi wan kownu,+ fu di wi no ben lespeki Yehovah. Ma awinsi wi ben o abi wan kownu, dan san a ben o du gi wi?’  Den e meki pramisi, sweri,+ nanga frubontu,+ ma na lei den e lei. Den krutubosroiti fu den de leki wan bon di abi vergif èn di e gro na ini wan gron di plugu kaba.+  Fosi, a pipel nanga den priester di e anbegi den gado fu den trakondre sma, ben e prisiri, fu di den ben e gi grani na a pikin kaw fu Bet-Afen.+ Ma now den sma fu Samaria o frede. A pipel nanga den priester o sari, fu di sma o tyari a pikin kaw gowe.+  Wan sma o tyari en go na Asiria leki wan kado gi wan bigi kownu.+ Dan Efrayim o kisi syen.+ Israel o syen, fu di a ben teki rai di no bun.+  Samaria o kisi pori èn a kownu fu en o dede.+ A o de leki wan broko taki na tapu watra.  Den hei presi na Bet-Afen+ pe den Israelsma ben sondu+ fu di den ben e anbegi falsi gado, o kisi pori trutru. Makabon nanga takru wiwiri+ o gro na tapu den altari fu den.+ Iya, den o taigi den bergi: ’Un tapu wi!’ èn den o taigi den pikin bergi: ’Un fadon kon na wi tapu!’+  Ai Israel, sensi a bigi ogri pasa na Gibeya+ yu e sondu.+ Te now ete yu no tapu fu du sondu. Na ini Gibeya sma ben go feti nanga den wan di e du kruktudu, ma den no kiri den alamala.+ 10  Te mi e angri fu strafu den,+ dan mi o du dati trutru. Den tu ogri di den du, o de leki wan tyatyari na den neki. Dan tra pipel o kon feti nanga den.+ 11  Efrayim ben leri fu de wan bun umakaw di lobi masi aleisi.+ Mi ben weri wan tyatyari gi a moi neki fu en. Mi o meki wan sma rèi na tapu Efrayim.+ Yuda e plugu,+ èn Yakob e lusu a doti+ gi en. 12  Sai siri fu retidu,+ dan unu o koti bun-ati.+ Sreka den gron fu unu, so taki unu man prani na tapu,+ bika unu abi ten ete fu suku Yehovah.+ A o kon èn a o leri unu fu du san reti.+ 13  Ma unu ben plugu ogridu+ èn unu koti kruktudu.+ Unu kori unsrefi,+ fu di unu frutrow tapu unsrefi+ èn tapu den furu tranga man fu unu.+ 14  Wan babari o de fu yere na mindri un pipel.+ Sma o kon feti nanga unu èn den o fufuru ala den sani na ini un foto di abi bigi skotu.+ Na dati Salman ben du di a go feti nanga a foto Bet-Arbel. Na wan ogri-ati fasi a kiri den mama makandra nanga den manpikin fu den.+ 15  Den sani disi o pasa nanga unu na Betel, fu di unu du sani di ogri srefisrefi.+ Na musudei sma o figi a kownu fu Israel puru krinkrin.”+

Futuwortu

Noso: „den ati e hoigri.”