Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Hebrewsma 2:1-18

2  Dati meki a de fanowdu fu poti moro prakseri leki san wi gwenti na den sani di wi yere,+ so taki noiti wi no e drifi gowe.+  Den boskopu di den engel+ ben tyari, ben de fu frutrow èn efu wan sma no ben e du san a wèt taki, noso a ben trangayesi a wèt, dan a ben e kisi a reti strafu.+  Dan fa wi o man wai pasi gi a strafu,+ efu wi no poti prakseri+ na a bigi sani disi di Gado du fu frulusu wi?+ A Masra fu wi ben de a fosiwan di ben taki fu a boskopu disi+ èn den sma di yere san a taki, fruteri wi a tori disi.+  Gado kotoigi fu den sani disi tu nanga bigi marki, nanga wondru, nanga ala sortu kefalek sani+ èn nanga a santa yeye di a ben gi+ den futuboi fu en, soleki fa ensrefi ben wani.+  A no ben poti engel fu tiri den sma di o libi na grontapu na ini a ten di e kon+ èn di wi e taki fu en.  Ma wan leisi wan man ben taigi sma: „San na wan libisma taki yu e prakseri en,+ noso san na wan manpikin fu libisma taki yu e sorgu en?+  Yu meki a kon de pikinso moro lagi leki den engel. Yu gi en glori nanga grani+ èn yu poti en fu tiri den sani di yu meki.+  Yu poti ala sani na en ondro.”+ Di Gado poti ala sani na en manpikin ondro,+ dan nowan sani ben de di Gado no ben poti na en ondro.+ Ma now wi no e si ete taki ala sani poti na en ondro.+  Ma wi e si taki Yesus, di ben meki kon de pikinso moro lagi leki den engel,+ kisi glori+ nanga grani fu di a dede.+ Na so fasi a bun-ati fu Gado meki taki a ben kan dede gi ala sma.+ 10  Ala sani de fu gi Gado glori èn na en meki taki ala sani kon de.+ Sobun, fu meki furu manpikin kisi glori,+ a ben fiti taki Gado gi pasi taki a Moro Prenspari Fesiman+ nyan pina.+ Na so fasi a ben man frulusu den, 11  bika en di e meki sma kon santa èn sosrefi den sma di a meki kon santa,+ komopo fu a srefi Tata.+ Fu dati ede Masra no e syen fu taki dati den na en „brada”,+ 12  bika Masra e taki: „Mi o meki yu nen bekènti na den brada fu mi. Na mindri den sma di kon makandra mi o prèise yu nanga singi.”+ 13  A e taki tu: „Mi o poti mi frutrow na en tapu.”+ A e taki sosrefi: „Luku, mi de dyaso nanga den yongu pikin di Yehovah gi mi.”+ 14  We, fu di den „yongu pikin” na sma di abi libisma skin, meki ensrefi ben tron libisma* tu,+ so taki nanga a dede+ fu en a ben kan meki Didibri,+ a wan di man kiri sma,+ kon tron noti.+ 15  Na so fasi a ben kan fri+ ala den sma di ben de na ini katibo den heri libi langa,+ fu di den ben frede dede,+ 16  bika a no den engel a e yepi, ma a e yepi den pikin fu Abraham.+ 17  Dati meki a ben musu kon de leki den „brada” fu en na ala fasi.+ A ben kon de leki den fu kan tron wan granpriester di abi sari-ati èn di e du a wroko fu Gado ala ten.+ Na so fasi a ben kan tyari wan ofrandi di e tapu den sondu fu a pipel+ èn di e meki den kon bun baka nanga Gado.+ 18  Fu di ensrefi nyan pina di a ben e kisi tesi,+ meki a man kon yepi den sma di e kisi tesi.+

Futuwortu

Grikitongo: „brudu nanga skin.”