Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Habakuk 2:1-20

2  Mi o tan tanapu na a presi pe mi musu hori wakti.+ Mi o tan wakti na tapu a bigi skotu+ fu luku san Gado o taigi mi fu taki+ èn san mi o piki te mi kisi piri-ai.+  Ne Yehovah piki mi: „Skrifi san yu e si na ini a fisyun. Skrifi en krin na tapu plata ston,+ so taki sma man leisi en grati nanga wan tranga sten.+  A fisyun o kon tru na wan spesrutu ten.+ A e hasti ensrefi fu doro na a kaba èn a no de wan leitori. Un musu tan fruwakti en awinsi a no pasa ete, bika a o kon tru nomonomo.+ A no o kon lati.  A sma di abi bigifasi+ abi wan takru ati. Ma a reti-ati sma o tan libi fu di a abi bribi.+  Iya, wan man e kisi bigifasi+ te a dringi win, fu di win e kori sma.+ A man e tyari pipel kon makandra èn a e teki kondre abra gi ensrefi.+ Ma awinsi a kon dipi leki Grebi,* noso a kon de leki dede di no abi nofo noiti,+ toku a no o man du san a abi na prakseri.+  Na den srefi sma dati o spotu en, den o koti odo gi en,+ èn den o taki en tori. Sma o taki: ’O langa+ a o go doro fu teki sani di no de fu en?+ Helu fu en, bika a e poti ensrefi na wan moro bigi paiman!  Wantronso sma o opo èn aksi yu fu pai a paiman di yu abi na den. Den sma di e seki yu na wan ogri-ati fasi, o wiki èn den o si yu leki wan sani di den wani fufuru.+  Yu fufuru den sani fu furu pipel èn yu kiri furu sma. Yu pori a gron nanga den foto fu den èn yu du ogri nanga ala den sma na ini den foto.+ Dati meki ala den tra pipel di tan abra o fufuru den sani fu yu.+  Helu fu a sma di e du ogri fu kisi wini gi den sma fu en!+ A e poti en oso hei leki wan fowrunesi, so taki ogri sani no o pasa nanga en.+ 10  A sani di yu abi na prakseri na wan syen gi den sma fu yu, bika na kiri yu wani kiri furu pipel.+ Na sondu yu e du.+ 11  Srefi wan ston na ini a skotu o kragi nanga wan tranga sten èn srefi wan udu postu na a daki fu na oso o piki en.+ 12  Helu fu a sma di e kiri trawan, soso fu di a wani bow wan foto! Helu fu a sma di du kruktudu fu bow wan tranga foto!+ 13  Yehovah di e tiri den legre e meki den pipel wroko tranga fu soso, bika a o pori ala den sani fu den nanga faya. Na en e meki den pipel wroko fu soso teleki den kon weri.+ 14  Neleki fa a se lai nanga watra, na so a sabi fu a glori fu Yehovah o lai na grontapu.+ 15  Helu fu a sma di e gi den mati fu en wan sani fu dringi, aladi en ati e bron nanga den èn a abi bita-ati gi den. A e du dati fu meki den kon drungu,+ fu di a wani si a syenpresi fu den.+ 16  Soso syen yu o kisi na presi fu glori.+ Now yusrefi musu dringi+ èn sma o si yu leki wan sma di no besnèi.+ Yehovah o meki yu dringi tu fu a kan di de na ini en reti-anu.+ Na presi fu glori yu o kisi syen. 17  Den ogri di pasa nanga Libanon+ o pasa nanga yu tu. Den busimeti e frede, fu di yu e kiri den na wan ogri-ati fasi. Boiti dati, yu kiri furu sma tu. Yu pori a gron+ nanga den foto fu den èn yu du ogri nanga ala den sma na ini den foto.+ 18  Sma e frutrow+ den popki di den meki, popki fu udu, ston, solfru, noso gowtu.+ Ma den rai di den e kisi fu den, no bun.+ Den gado disi no man taki.+ Sobun, sortu bun den man tyari gi den wan di e meki den? 19  Helu fu a sma di e taigi wan pisi udu: „Grantangi, wiki!” Helu fu a sma di e taigi wan ston di no man taki: „Wiki, grantangi! Gi wi rai!”+ Unu e tapu den nanga gowtu èn nanga solfru,+ ma den no e hari blo srefi.+ 20  Yehovah de na ini en santa tempel.+ Meki heri grontapu tan pî na en fesi!’”+

Futuwortu

Hebrew wortu: syeol. Luku „Moro sani”, nr. 10.