Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Ester 6:1-14

6  A neti dati, Kownu no ben man sribi.+ Dati meki a seni sma go teki a buku pe sani skrifi di pasa na a ten dati.+ Ne den leisi a buku gi Kownu.  Te fu kaba den leisi a pisi di e fruteri fa Mordekai ben taki+ dati Biktana nanga Teres, den tu waktiman+ di ben e hori wakti na a doro fu na oso fu Kownu Ahasferos, ben suku fu du ogri nanga Kownu.  Dan Kownu aksi: „Sortu grani wi gi Mordekai èn sortu bun wi du gi en di a du a sani disi?” Ne den futuboi fu Kownu, sobun, den dinari fu en, piki en: „Wi no du noti gi en.”+  Bakaten, Kownu aksi: „Suma de na ini a fesidyari?” We, na a momenti dati Haman ben de na ini a fesidyari+ fu na oso fu Kownu, fu di a ben wani taigi Kownu fu anga Mordekai na a postu+ di a ben taigi sma fu meki.  Ne den futuboi fu Kownu taigi Kownu: „Luku, Haman+ e tanapu dyaso na ini a fesidyari.” Sobun, Kownu taki: „Meki a kon na inisei.”  Di Haman go na inisei, Kownu aksi en: „San musu pasa nanga wan man di Kownu wani gi grani, fu di a e prisiri nanga en?”+ Ne Haman prakseri: „Suma e prisiri Kownu moro leki mi? A musu de taki na mi a wani gi grani.”+  Dati meki Haman taigi Kownu: „Efu Kownu wani gi grani na wan man, fu di Kownu e prisiri nanga en, dan  meki sma teki a krosi di Kownu srefi gwenti weri.+ Meki den teki wan asi tu di Kownu gwenti rèi+ èn di e weri a moi sani di den asi fu Kownu e weri na tapu den ede.  Dan Kownu musu meki wan fu den heihei man+ fu en tyari a krosi nanga na asi go na a man disi di Kownu wani gi grani, fu di a e prisiri nanga en. Den musu weri a krosi gi a man èn den musu meki a rèi na tapu na asi na a pren+ fu a foto.+ Dan den musu waka na en fesi èn den musu bari: ’Na so sma e du nanga wan man di Kownu e gi grani, fu di a e prisiri nanga en.’”+ 10  Wantewante Kownu taigi Haman: „Esi-esi, go teki a krosi nanga na asi, soleki fa yu taki. Dan yu musu go na a Dyu Mordekai di e sidon na a portu fu Kownu. Ala sani di yu taki, na dati yu musu du nanga en. Sorgu taki yu du ala sani soifri leki fa yu taki.”+ 11  Ne Haman teki a krosi+ nanga na asi, dan a weri a krosi gi Mordekai+ èn a meki Mordekai rèi na tapu na asi na a pren+ fu a foto. A ben e waka na Mordekai fesi èn a ben e bari:+ „Na so a e pasa nanga wan man di Kownu e gi grani, fu di a e prisiri nanga en.”+ 12  Baka dati Mordekai drai go baka na a portu fu Kownu.+ Ma Haman go na oso esi-esi. A ben e sari srefisrefi èn a tapu en ede nanga wan duku.+ 13  Dan Haman fruteri en wefi Seres+ nanga ala den mati fu en, ala sani di pasa nanga en. Ne den raiman+ fu en nanga en wefi Seres taigi en: „We, efu a de so taki Mordekai, di hei moro yu nownow kaba, na wan Dyu, dan yu no o man wini en, ma yu o lasi nomonomo.”+ 14  Na taki den ben e taki nanga Haman ete, di den dinari fu Kownu kon teki en fu tyari en esi-esi+ go na Ester di ben sreka wan bigi nyanyan.+

Futuwortu