Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Ester 5:1-14

5  Na a di fu dri dei,+ Ester weri moi krosi di fiti na uma fu wan kownu,+ dan a go tanapu na ini a dyari leti na fesi na oso fu Kownu.+ Kownu ben e sidon na tapu en kownusturu na ini en oso. A ben kan luku langalanga go na dorosei.  Di Kownu si Ester e tanapu na ini a fesidyari, a ben breiti fu si en.+ Ne Kownu langa en gowtu tiki+ gi Ester. Ester kon krosibei, dan a fasi na ede fu a tiki.  Ne Kownu taki: „San pasa Ester, mi uma?+ San yu wani aksi mi? Awinsi na afu fu mi kownukondre,+ yu o kisi en!”  Dan Ester taki: „Efu Kownu feni en bun, dan meki Kownu nanga Haman+ kon tide fu nyan a bigi nyanyan+ di mi sreka gi en.”  Dati meki Kownu taki: „Un go kari Haman. Meki a du esi-esi+ san Ester taki.” Bakaten Kownu nanga Haman go nyan a bigi nyanyan di Ester sreka.  Baka wan pisi ten di den ben e dringi win, Kownu aksi Ester: „San yu wani?+ Ala san yu wani, yu o kisi! Sobun, san yu wani aksi mi? Awinsi na afu fu mi kownukondre, mi o gi yu dati!”  Ester piki en: „Disi na san mi wani aksi Kownu:  Efu Kownu e prisiri nanga mi+ èn efu Kownu feni en bun fu gi mi san mi wani èn fu du san mi aksi, dan meki Kownu nanga Haman kon tamara fu nyan a bigi nyanyan di mi o sreka gi unu. Dan tamara mi o du san Kownu taki.”+  Na so Haman gowe a dei dati. A ben breiti èn a ben e prisiri srefisrefi.+ Ma fa Haman si Mordekai e sidon na a portu fu Kownu,+ a kisi bigi atibron,+ fu di Mordekai no ben opo tanapu gi en+ èn a no ben frede en srefi.+ 10  Ma Haman hori ensrefi èn a go na en oso. Ne a seni kari den mati fu en nanga en wefi Seres.+ 11  Dan Haman bigin skepi fu den someni gudu+ nanga manpikin+ di a abi. A fruteri tu fa Kownu gi en bigi grani èn fa a poti en moro hei leki ala den heihei man nanga futuboi fu Kownu.+ 12  Ne Haman taki: „Boiti dati, Ester, na uma fu Kownu, sreka wan bigi nyanyan. Na mi nanga Kownu wawan ben de drape.+ A kari mi fu kon nyan nanga en tamara+ tu. 13  Ma nowan fu den sani disi no switi gi mi, solanga mi e si a Dyu Mordekai e sidon na a portu fu Kownu.” 14  Dan Haman en wefi Seres nanga den mati fu en taki: „Taigi sma fu meki wan postu+ di hei sowan tutenti na tu meter. Dan tamara mamanten+ yu musu taigi Kownu meki den anga Mordekai na a postu dati.+ Baka dati yu kan go nanga prisiri fu nyan a bigi nyanyan, makandra nanga Kownu.” Haman ben lobi a tori disi.+ Sobun, a taigi sma fu meki a postu.+

Futuwortu