Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Ester 2:1-23

2  Bakaten di na atibron fu Kownu Ahasferos+ kon kowru, a prakseri Fasti.+ A memre san Fasti du+ èn sortu strafu a ben gi en.+  Dan den futuboi fu Kownu, sobun den dinari fu en,+ taigi en: „Meki sma go suku+ yongu uma gi Kownu. Den musu de uma di no didon nanga wan man ete+ èn den musu moi.  Na ini ala den kontren+ fu a kondre, Kownu musu poti wan tu man na wroko fu suku moi yongu uma di no didon nanga wan man ete. Den musu tyari den kon na a fortresi na a foto Susan,+ na a oso fu den uma. Dati na a oso pe Kownu poti Hegai+ leki edeman*+ fu sorgu den uma. Meki sma hari den skin nanga oli, so taki den kon moro moi.  A yongu uma di Kownu feni bun, na en o teki a presi fu Fasti.”+ Kownu ben lobi a tori disi, sobun a teki a rai fu den futuboi fu en.  Na a ten dati wan Dyu man di ben nen Mordekai,+ ben de na a fortresi na a foto Susan.+ A man disi ben de a manpikin fu Yahir èn a granpikin fu Simei. Simei ben de a manpikin fu Kes, wan man fu a lo fu Benyamin.+  Kes ben de wan fu den man di Kownu Nebukadnesar+ fu Babilon ben tyari komoto na Yerusalem leki katiboman,+ makandra nanga Kownu Yekonya+ fu Yuda.  Fu di Hadasa di ben nen Ester tu, no ben abi papa nanga mama moro, meki Mordekai ben e kweki en.+ Ester ben de na umapikin fu Mordekai en papa brada.+ Di Ester en papa nanga mama dede, dan Mordekai teki en leki en eigi umapikin. A yongu uma Ester ben abi wan moi skin èn a ben e fiti ai fu tru.+  Di sma yere san Kownu taki èn sortu wèt a poti, dan den tyari furu yongu uma kon na a fortresi na a foto Susan,+ na a oso pe Hegai ben de edeman.+ Na so den tyari Ester go tu na a oso fu Kownu pe Hegai ben de di ben abi a frantwortu fu sorgu den uma.  Hegai ben e prisiri nanga a yongu uma disi èn a ben e sori en bun-ati.+ Dati meki a sreka sani esi-esi fu meki sma hari Ester en skin nanga oli+ èn fu gi en spesrutu nyanyan. Ne a poti seibi yongu uma fu na oso fu Kownu fu sorgu gi Ester. Baka dati a teki Ester nanga den yongu uma di ben e yepi en, dan a froisi den go na a moro bun presi na ini na oso fu den uma. 10  Ma Ester no taki fu en pipel,+ noso en famiri, bika Mordekai ben taigi en krin taki a no musu du dati.+ 11  Ibri dei, Mordekai ben e waka pasa a dyari fu na oso fu den uma, bika a ben wani sabi fa a de nanga Ester èn san sma ben e du nanga en. 12  Te fu kaba a ten ben e doro gi ibriwan fu den yongu uma fu go na fesi Kownu Ahasferos. A wèt ben e taki dati siksi mun langa sma ben musu hari a skin fu den uma nanga mirre-oli+ èn baka dati den ben musu hari den skin nanga balsem-oli+ ete siksi mun. Sobun, twarfu mun langa, sma ben musu du den sani disi nanga den yongu uma. 13  Soso te wan yongu uma ben kaba du den sani disi, a ben kan kon na fesi Kownu. Te na uma ben o komoto na a oso fu den uma fu go na a oso fu Kownu,+ dan sma ben o gi en iniwan sani di a ben aksi. 14  Na mofoneti, na uma ben e go na a oso fu Kownu èn mamanten a ben e go na wan tra oso. Dati ben de a di fu tu oso pe den uma ben e tan. Na edeman+ fu na oso dati ben de Sasgas. Na en ben e sorgu den tra uma fu Kownu. Efu wan uma ben go na ini na oso dati, dan a no ben o kon na fesi Kownu moro, boiti efu Kownu feni en bun èn efu a kari na uma dati na en nen.+ 15  Now a ten doro gi Ester di ben de na umapikin fu Abihayil, na omu fu Mordekai di kweki en leki en eigi umapikin.+ Di Ester go na fesi Kownu, a no aksi nowan sani,+ boiti den sani di Hegai,+ na edeman di ben e sorgu den uma, ben taigi en fu aksi. (A heri pisi ten dati, sma ben kon lobi Ester moro nanga moro te den ben e si en.)+ 16  Ne den tyari Ester go na a oso fu Kownu Ahasferos na ini a di fu tin mun. Dati ben de a mun Teibet na ini a di fu seibi yari+ di Kownu Ahasferos ben e tiri. 17  Kownu ben kon lobi Ester moro ala den tra uma. Dati meki a ben e prisiri moro nanga Ester èn a ben e sori en bun-ati moro leki iniwan fu den tra yongu uma.+ Ne Kownu teki a spesrutu tai-ede di na uma fu wan kownu gwenti weri èn a poti en na tapu na ede fu Ester. Na so Ester tron na uma fu Kownu+ na presi fu Fasti. 18  Dan Kownu hori wan bigi fesa spesrutu gi Ester. Ala den prenspari man nanga den futuboi fu Kownu ben de drape. Ne Kownu seni boskopu go na ala sei taki den sma na ini den kontren di a ben e tiri, ben o kon fri.+ A ben e prati kado di soso wan kownu ben kan prati. 19  A di fu tu leisi di sma ben tyari yongu uma+ kon di no ben didon nanga wan man ete, Mordekai ben e sidon na a portu fu Kownu.+ 20  Ma Ester no ben e taki fu en pipel,+ noso en famiri, bika Mordekai+ ben taigi en krin taki a no musu du dati.+ Ester ben e du ala san Mordekai taki, neleki fa a ben e du di Mordekai ben e sorgu en ete.+ 21  Na a ten dati, Mordekai ben abi a gwenti fu sidon na a portu fu Kownu Ahasferos. Yu ben abi tu man, Biktan nanga Teres di ben e hori wakti na a doro fu na oso fu Kownu. Fu di den man disi ati ben kon bron srefisrefi, meki den ben e suku fu du ogri nanga Kownu.+ 22  Di Mordekai yere a tori disi, dan wantewante a go fruteri+ Ester. Ne Ester go taigi Kownu. A taigi en taki na Mordekai fruteri en a tori disi.+ 23  Sobun, sma go ondrosuku a tori èn den kon si taki a tru. Dati meki den anga+ ala tu man na postu.+ Baka dati sma skrifi a tori disi na ini a buku pe sani skrifi di pasa na a ten dati.+ Kownu ben de leti drape di den skrifi a tori disi.

Futuwortu

Na ini Hebrewtongo a pisi disi e taki fu wan man di no abi den koko fu en syenpresi moro, fu di sma koti den puru.