Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Esra 9:1-15

9  Baka ala den sani disi, den edeman+ kon na mi èn den taki: „A pipel fu Israel, den priester, nanga den Leifisma e tan du+ tegu sani+ neleki den pipel fu den kondre na den lontu. Dati na den Kanansma,+ den Hètsma,+ den Feresietsma,+ den Yeibus-sma+, den Amonsma,+ den Moabsma,+ den Egeptesma,+ nanga den Amorietsma.+  Den nanga den manpikin fu den trow nanga wan tu umapikin fu den pipel dati.+ A santa pipel+ disi go moksi+ nanga den pipel fu den kondre na den lontu. Moro furu, na den edeman nanga den ondro-granman du den ogri disi,+ fu di den trangayesi den wèt fu Gado.”  Di mi yere a sani disi, mi priti a langa krosi+ na mi skin nanga mi dyakti sondro mow èn mi bigin hari den wiwiri fu mi ede+ nanga mi barba puru. Mi tan sidon fu di mi ben e sari èn mi no ben man bribi a tori.+  Ne ala sma di ben frede+ den wèt fu Gado, kon na mi, fu di den sma di komoto na ini katibo ben trangayesi den wèt fu Gado. A heri pisi ten dati, mi tan sidon teleki a yuru doro fu tyari a mofoneti nyanyan-ofrandi.+  Di a yuru doro fu tyari a mofoneti nyanyan-ofrandi,+ mi opo fu pe mi ben e sidon sari nanga den pritipriti krosi na mi skin. Ne mi saka kindi+ èn mi opo mi anu bradi go na loktu fu begi Yehovah mi Gado.+  Dan mi taki:+ „Ke mi Gado, mi e firi syen+ trutru. Na syen+ meki mi no man opo mi ede luku yu, mi Gado. Den sondu+ fu wi furu pasa marki èn den fowtu fu wi furu so te, taki den e doro te na hemel+ srefi.  Sensi a ten fu den afo+ fu wi teleki now,+ wi e meki bun furu fowtu. Fu di wi sondu, meki yu gi pasi taki den kownu fu den tra kondre feti+ nanga wi. Ne den wini wi, den kownu+ fu wi, nanga den priester+ fu wi. Dan den tyari wi go na ini katibo,+ den fufuru den sani fu wi tyari gowe+ èn den gi wi syen.+ Na so a de te now ete.  A no de so langa ete taki Yehovah wi Gado du bun gi wi,+ fu di a meki wan grupu fu wi komoto na ini katibo+ èn a meki wi tan* na ini en santa presi. Ke mi Gado, now wi ai e brenki+ fu prisiri èn yu gi wi na okasi baka fu dini leki futuboi fu yu,+  bika wi na futuboi+ trutru. Aladi wi ben de srafu, toku yu no gowe libi wi,+ ma yu sori wi bun-ati, fu di yu meki taki den kownu fu Persia+ kon lobi wi. Yu gi wi na okasi fu bow na oso fu yu+ èn fu meki ala den brokopresi+ lontu na oso kon bun baka. Na ini Yuda nanga Yerusalem, yu kibri wi neleki fa wan ston skotu+ e kibri sma. 10  We, mi Gado, san wi o taki, baka di ala den sani disi pasa? Wi no ben gi yesi na yu komando+ 11  di den profeiti fu yu ben gi wi. Den ben taki: ’A kondre di unu o teki abra, na wan kondre di no krin, fu di den sma na ini a kondre no krin.+ Den e du so furu morsu sani,+ taki a heri kondre furu+ nanga den tegu sani+ fu den. 12  No meki den umapikin fu unu trow nanga den manpikin fu den+ èn no meki den umapikin fu den trow nanga den manpikin fu unu. Noiti un musu tron mati fu den èn noiti un musu meki taki sani waka bun gi den.+ Te unu du san mi taki, dan unu o kon tranga+ èn unu o nyan bun fu a kondre. Iya, unu o teki a kondre abra èn fu ala ten a o de fu den manpikin fu unu.’+ 13  Ala den sani di miti wi, ben pasa fu di wi du ogri+ èn fu di wi meki bun furu fowtu. Mi Gado, aladi wi sondu, toku yu no gi wi ala strafu di wi ben musu kisi.+ Yu meki a grupu disi komoto na ini katibo.+ 14  Dan now wi trangayesi den komando fu yu agen èn wi go trow+ nanga den sma di e du den tegu sani disi.+ We, yu abi leti efu yu ati bron so te,+ taki yu wai wi alamala puru èn taki yu no meki nowan fu wi tan abra.+ 15  Ke Yehovah, Gado fu Israel, yu e du san reti,+ bika wi di tan abra tide na wan pipel di komoto na ini katibo. Now wi tanapu na yu fesi nanga ala den fowtu fu wi,+ aladi nowan sma man tanapu na yu fesi te a du den sortu sani disi.”+

Futuwortu

Hebrewtongo: „a gi wi wan pen na ini a santa presi fu en.”