Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Esra 10:1-44

10  Ne Esra begi+ èn a taki sortu sondu a pipel ben du.+ A ben e krei èn a saka kindi boigi nanga en fesi go na gron,+ na ini a dyari na fesisei fu na oso+ fu a tru Gado. Fa Esra kaba, wan heri ipi Israelsma kon na en. Iya, wan lo mansma, umasma, nanga pikin kon drape èn den krei bun tranga.  Ne Sekanya, a manpikin fu Yehiyel+ di ben de wan bakapikin fu Elam,+ taigi Esra: „Fu tru, wi trangayesi den wèt fu wi Gado, fu di wi go trow nanga den umapikin fu den kondre na wi lontu.+ Toku howpu+ de ete gi den Israelsma.  Meki wi seti wan frubontu+ nanga wi Gado fu seni ala den wefi disi gowe,+ makandra nanga den pikin di wi kisi nanga den. Yehovah nanga den wan di e frede+ a wèt fu wi Gado teki wan bosroiti.+ Meki wi du san den taki. Na so wi o du san a wèt+ e taki.  Opo, bika na yu musu seti a tori disi èn wi o horibaka gi yu. Teki deki-ati èn du wan sani.”  Ne Esra opo tanapu èn a taigi den edeman fu den priester, den Leifisma, nanga ala den Israelsma fu meki wan sweri+ fu du ala sani di Sekanya ben taki. Sobun, ala den sma meki a sweri disi.  Dan Esra komoto na fesi na oso fu a tru Gado èn a go na a nyanyan-kamra+ fu Yohanan, a manpikin fu Eliasib. A go drape, ma a no nyan brede+ èn a no dringi watra, fu di a ben e sari+ taki den sma di komoto na ini katibo, ben trangayesi den wèt fu Gado.  Ne den seni kari ala sma fu Yuda nanga Yerusalem di komoto na ini katibo.+ Den kari den fu kon makandra na Yerusalem.  Den edeman+ nanga den owru man ben gi den sma dri dei fu kon+ drape. Efu wan sma no ben kon na ini den dri dei dati, dan den ben o teki ala den gudu fu a sma+ èn den ben o yagi en puru+ na mindri den tra sma di komoto na ini katibo.  Ne ala den man fu den lo fu Yuda nanga Benyamin kon makandra na Yerusalem na ini den dri dei dati. A ben de a di fu tutenti dei fu a di fu neigi mun.+ Ala den sma ben e sidon na ini a dyari na fesisei fu na oso fu a tru Gado. Den ben e beifi, fu di a tori di den ben e taki na a konmakandra ben de wan seryusu tori. Boiti dati, alen+ ben e kon tu. 10  Te fu kaba Priester Esra opo èn a taigi den sma: „Unu trangayesi den wèt fu Gado, fu di unu go trow nanga den umapikin fu den trakondre sma.+ Now den fowtu fu Israel kon moro furu.+ 11  We, taigi Yehovah, a Gado fu den afo fu unu, sortu sondu unu du.+ Du san a feni bun+ èn no moksi moro nanga den pipel fu den kondre na wi lontu. No libi moro nanga den umapikin fu den trakondre sma.”+ 12  Dan ala den sma drape piki en nanga wan tranga sten: „Wi o du ala san yu taki.+ 13  Ma furu sma de dyaso èn na alenten wi de now. Sobun, wi no man tan tanapu na dorosei. Boiti dati, wán noso tu dei nomo no o sari fu seti a tori disi, bika a sani di wi du, na wan bigi sondu. 14  Dati meki wi wani aksi yu fu meki den edeman+ fu wi teki presi gi a heri pipel. Ala sma na ini den foto fu wi di trow nanga wan umapikin fu den trakondre sma, musu kon dyaso na wan ten di wi o poti gi den. Den musu kon nanga den owru man èn nanga den krutuman fu a foto fu den. Solanga a tori disi no seti, na atibron fu a Gado fu wi no o kon kowru.” 15  (Ma Yonatan, a manpikin fu Asael èn Yakseya, a manpikin fu Tikfa, no ben agri+ nanga a bosroiti disi. Meisulam nanga Sabetai+ di ben de Leifisma, ben e horibaka gi den.) 16  Na so den sma di komoto na ini katibo+ du soleki fa den ben taki. Ne Priester Esra, nanga den famiri-edeman,+ iya, ala sma di den ben kari na den nen, go sidon aparti fu ondrosuku a tori.+ A ben de a fosi dei fu a di fu tin mun.+ 17  Te fu kaba den seti a tori nanga ala den man di ben trow nanga den umapikin fu den trakondre sma.+ Dati ben de na a fosi dei fu a fosi mun. 18  Den ben kon si taki wan tu manpikin fu den priester+ ben trow nanga umapikin fu den trakondre sma. Den man disi ben de Maseya, Eliyeser, Yarib, nanga Gedalia. Den alamala ben de granpikin fu Yosadak+ èn manpikin fu Yesuwa+ nanga den brada fu en. 19  Ne den seki anu fu sori taki den ben o seni den wefi fu den gowe, soleki fa den ben pramisi. Fu di na wan sondu+ den ben du, meki den ben musu teki wan fu den manskapu+ fu den fu tapu a sondu fu den. 20  Den tra priester di ben trow nanga umapikin fu den trakondre sma, ben de Hanani nanga Sebadya, bakapikin fu Imer.+ 21  Fu den bakapikin fu Harim yu ben abi:+ Maseya, Elia, Semaya, Yehiyel, nanga Usia. 22  Fu den bakapikin fu Pasyur yu ben abi:+ Elyowenai, Maseya, Ismael, Netaneyel, Yosabad, nanga Elasa. 23  Fu den Leifisma yu ben abi: Yosabad, Simei, Kelaya (noso Kelita), Petaya, Yuda, nanga Eliyeser. 24  Fu den singiman yu ben abi: Eliasib èn fu den waktiman fu den portu: Salum, Telem, nanga Uri. 25  Tra Israelsma di ben trow nanga umapikin fu den trakondre sma, ben de den bakapikin fu Paros.+ Den dati ben de Ramia, Yesia, Malkia, Miyamin, Eleasar, Malkia, nanga Benaya. 26  Den bakapikin fu Elam:+ Matanya, Sakaria, Yehiyel,+ Abdi, Yeremot, nanga Elia. 27  Den bakapikin fu Satu:+ Elyowenai, Eliasib, Matanya, Yeremot, Sabad, nanga Asisa. 28  Den bakapikin fu Bebai:+ Yohanan, Hananya, Sabai, nanga Atlai. 29  Den bakapikin fu Bani: Meisulam, Maluk, Adaya, Yasub, Seyal, nanga Yeremot. 30  Den bakapikin fu Pahat-Moab:+ Adna, Kelal, Benaya, Maseya, Matanya, Besaleyel, Binuwi, nanga Manase. 31  Den bakapikin fu Harim:+ Eliyeser, Yisia, Malkia,+ Semaya, Simeon, 32  Benyamin, Maluk, nanga Semaria. 33  Den bakapikin fu Hasum:+ Matenai, Matata, Sabad, Elifelet, Yeremai, Manase, nanga Simei. 34  Den bakapikin fu Bani: Madai, Amram, Uwel, 35  Benaya, Bedeya, Keluhi, 36  Fanya, Meremot, Eliasib, 37  Matanya, Matenai, nanga Yasu. 38  Den bakapikin fu Binuwi: Simei, 39  Selemia, Natan, Adaya, 40  Maknadebai, Sasai, Sarai, 41  Asarel, Selemia, Semaria, 42  Salum, Amaria, nanga Yosef. 43  Den bakapikin fu Neibo: Yehiyel, Matitya, Sabad, Sebina, Yadai, Yoèl, nanga Benaya. 44  Ala den man disi ben trow nanga umapikin fu den trakondre sma.+ Ne den seni den wefi fu den gowe makandra nanga den manpikin fu den.

Futuwortu