Go na content

Go na table of contents

Yehovah Kotoigi

Tongo Sranantongo

Esra 1:1-11

1  A ben de a fosi yari di Sirus+ ben e tiri leki kownu fu Persia. Na a ten dati den sani di Yehovah ben taigi Yeremia+ fu taki, kon tru. Yehovah meki+ Kownu Sirus fu Persia seni wan boskopu+ go na ala sei fu a kownukondre fu en. Kownu ben skrifi+ a boskopu na tapu papira tu. Disi na a boskopu:  „Disi na san Kownu Sirus fu Persia taki:+ ’Yehovah, a Gado fu hemel,+ gi mi+ ala kownukondre fu grontapu. Ensrefi taigi mi fu bow wan oso gi en na Yerusalem+ na ini Yuda.  Efu wan sma de na un mindri di de fu a pipel fu en, dan meki Gado de nanga en.+ Sobun, meki a sma dati go na Yerusalem na ini Yuda èn meki a bow wan oso baka gi Yehovah, a Gado fu Israel di de a tru Gado.+ Fosi, na oso disi ben de na Yerusalem+ kaba.  Te den Israelsma di no e tan na ini a kondre fu den,+ o drai go baka na oso, dan den birtisma fu den musu gi den solfru, gowtu, osometi, nanga tra sani di den abi fanowdu. Boiti dati, den musu gi den sani di den kan tyari go leki presenti+ na a oso fu a tru Gado na ini Yerusalem.’”  Baka dati den famiri-edeman+ fu Yuda nanga Benyamin, sosrefi den priester nanga den Leifisma, iya, iniwan sma di a tru Gado ben gi a firi+ fu go, ben sreka sani fu go bow na oso fu Yehovah+ baka na ini Yerusalem.  Ala den birtisma fu den ben gi+ den solfru wrokosani, gowtu, osometi, diri sani, nanga tra sani di den ben abi fanowdu. Boiti dati, den ben gi den ala sortu presenti+ fu tyari go na a oso fu Gado.  Kownu Sirus srefi ben seni sma go teki den wrokosani fu na oso fu Yehovah+ di Nebukadnesar ben puru na Yerusalem+ èn di a ben tyari go poti na ini na oso fu a gado fu en.+  Ne Kownu Sirus fu Persia taigi Mitredat, a man di ben e luku den gudu fu Kownu, fu seni sma go teki den wrokosani disi. Baka dati Mitredat teri den èn a gi den na Sesbasar,+ na edeman fu a kontren fu Yuda.+  Disi na san Mitredat teri: dritenti gowtu patu di meki leki baskita, wán dusun solfru patu di meki leki baskita, tutenti na neigi tra patu, 10  dritenti pikin gowtu komki,+ fo hondro nanga tin pikin solfru komki, nanga wán dusun tra wrokosani. 11  Ala nanga ala, yu ben abi feifi dusun fo hondro wrokosani fu gowtu nanga solfru. Ala den wrokosani disi Sesbasar+ tyari gowe di den katiboman komoto+ na Babilon go na Yerusalem.

Futuwortu