Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Deuteronomium 7:1-26

7  Te fu kaba, te Yehovah un Gado tyari unu go na ini a kondre di a gi unu,+ dan a o yagi den bigi pipel puru gi unu.+ Seibi pipel di bigi èn makti moro unu+ a o yagi gowe. Dati na den Hètsma,+ den Girgas-sma,+ den Amorietsma,+ den Kanansma+, den Feresietsma,+ den Hefietsma,+ nanga den Yeibus-sma.+  Yehovah un Gado o libi den gi unu meki unu wini den+ èn un musu kiri den.+ No meki nowan frubontu nanga den èn no du nowan bun gi den.+  Un no musu trow nanga den. No meki den umapikin fu unu trow nanga den manpikin fu den, èn no meki den manpikin fu unu trow nanga den umapikin fu den.+  Bika den o meki den pikin fu unu drai baka gi Gado èn den o go dini tra gado.+ Dan Yehovah en ati o bron nanga unu èn a no o draidrai fu kiri unu.+  Na presi fu dati unu musu du disi nanga den: Un musu broko den altari+ nanga den santa pilari fu den,+ un musu koti den santa postu+ fu den trowe,+ èn un musu bron den popki di den e anbegi leki gado.+  Bika Yehovah un Gado e si unu leki wan santa pipel.+ Na unu Yehovah un Gado teki fu tron en pipel. Fu ala tra pipel na grontapu, na unu a teki leki wan spesrutu gudu.+  A no fu di unu ben de a moro bigi pipel, meki Yehovah ben lobi unu so te, taki a teki unu leki en pipel.+ Bika unu ben de a moro pikin pipel.+  Na fu di Yehovah lobi unu+ èn fu di a wani du san a sweri den afo fu unu,+ meki Yehovah gebroiki en krakti+ fu frulusu unu fu Farao, a kownu fu Egepte. Ne a tyari unu komoto fu Egepte pe unu ben de srafu.+  Unu sabi heri bun taki Yehovah un Gado na a tru Gado+ èn taki wi kan frutrow na en tapu.+ A e hori a frubontu di a meki.+ A e du bun gi den wan di lobi en èn di e gi yesi na den komando fu en. A e du bun srefi gi ala den dusundusun bakapikin fu den di musu kon ete.+ 10  Ma a strafu di a o gi den wan di abi bita-ati gi en, na dede.+ A no o draidrai fu strafu a sma di abi bita-ati gi en. Wantewante a o pai en fu den sani di a du. 11  Unu musu tan gi yesi na den komando, den wèt, nanga den krutubosroiti di mi e taigi unu tide, èn un musu du san den e taki.+ 12  Te unu e tan gi yesi na den krutubosroiti disi èn unu e du san den e taki,+ dan Yehovah un Gado o hori a frubontu di a meki nanga unu+ èn a o du bun gi unu soleki fa a pramisi den afo fu unu.+ 13  Gado o lobi unu, a o blesi+ unu, èn a o meki unu kon de furu+ na ini a kondre di a pramisi den afo fu unu.+ A o blesi unu nanga furu pikin,+ a o blesi den sani di unu prani,+ na aleisi, a nyun win, na oli, den yongu kaw, nanga den yongu skapu fu unu.+ 14  A o blesi unu moro ala tra pipel.+ Nowan man noso uma na un mindri o de sondro pikin. Ala un osometi o kisi pikin tu.+ 15  Yehovah o puru ala siki na un mindri. A no o meki unu kisi nowan fu den takru siki di unu ben sabi na ini Egepte.+ Na den sma di no lobi unu o kisi den siki disi. 16  Un musu kiri ala den pipel di Yehovah un Gado taki dati un musu kiri.+ Un no musu sari den.+ No meki a tron wan tesi gi unu+ fu go anbegi den gado+ fu den. 17  Kande unu e prakseri: ’Den pipel disi bigi tumusi fu wi wini den. Fa wi o man yagi den gowe?’+ 18  Un no musu frede den.+ Noiti un musu frigiti san Yehovah un Gado du nanga a kownu fu Egepte èn nanga ala den Egeptesma.+ 19  Nanga un eigi ai unu si fa Yehovah un Gado tyari tesi kon,+ fa a du bigi sani nanga wondru,+ èn fa a gebroiki en makti nanga en krakti+ fu puru unu na Egepte.+ A srefi sani Yehovah un Gado o du nanga ala den pipel di unu e frede.+ 20  Boiti dati, Yehovah un Gado sa meki den kon bruya.+ Srefi den wan di tan abra+ èn den wan di ben kibri gi unu, o dede gowe. 21  Un no musu frede den, bika Yehovah un Gado de nanga unu.+ A de wan Gado di bigi srefisrefi èn sma musu abi bigi lespeki gi en.+ 22  Safrisafri Yehovah un Gado o puru den pipel gi unu na ini a kondre.+ A no o gi unu pasi fu kiri den esi-esi, noso a kondre o tron wan brokopresi èn den ogri busimeti o kon furu drape. 23  Yehovah un Gado o libi den pipel gi unu. A o meki den lon gowe bruyabruya, ma toku den alamala o dede.+ 24  Gado o meki unu wini den kownu fu den+ èn un musu figi den puru na grontapu.+ Nowan sma o man feti nanga unu.+ Unu o kiri den alamala.+ 25  Un musu bron den popki di den e anbegi leki gado.+ Un no musu gridi gi a solfru nanga a gowtu di de na den popki.+ No meki a tron wan tesi gi unu+ fu teki a solfru nanga a gowtu gi unsrefi,+ bika Yehovah un Gado e si den sani dati leki tegu sani.+ 26  Un no musu tyari nowan tegu sani kon na ini un oso, noso unu o kisi pori neleki den sani dati. Un musu tegu gi den trutru èn un no musu wani si den na ai kwetikweti,+ bika den sani dati na sani di musu kisi pori.+

Futuwortu