Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Deuteronomium 6:1-25

6  Disi na den komando, den wèt, nanga den krutubosroiti di Yehovah un Gado taigi mi fu taigi unu,+ so taki unu kan du san den e taki te unu abra go na ini a kondre pe unu o tan.  Na so unu o abi lespeki+ gi Yehovah un Gado èn unu o libi langa. Sobun, un heri libi langa,+ unu, un pikin, nanga un granpikin+ musu gi yesi na ala den wèt nanga den komando di mi taigi unu.  Un Israelsma, tan gi yesi na den komando disi èn sorgu taki unu e du san den wèt e taki.+ Dan sani o go bun nanga unu+ èn unu o kon furu na ini a kondre di lai merki nanga oni, bika na dati Yehovah, a Gado fu den afo fu unu, pramisi unu.+  Arki, un Israelsma: Yehovah wi Gado na wán Yehovah.+  Un musu lobi Yehovah un Gado nanga un heri ati,+ nanga un heri libi,*+ èn nanga ala un krakti.+  Den sani di mi e taigi unu tide, musu de na ini un ati.+  Un musu leri un pikin* den sani disi ibri tron baka,+ so taki den no frigiti den. Taki fu den sani disi te unu e sidon na ini un oso, te unu e waka na strati, te unu e didon,+ èn te unu opo.  Un musu tai den na tapu un anu+ èn den musu de leki wan marki gi unu. Den musu de leki wan banti na un fesi-ede.+  Un musu skrifi den na tapu den doropostu fu un oso èn na tapu den portu fu a foto.+ 10  Yehovah un Gado o tyari unu go na ini a kondre di a pramisi fu gi un afo Abraham, Isak, nanga Yakob.+ A kondre abi bigi èn moi foto, ma a no unu bow den.+ 11  A abi oso di abi furu bun sani na ini, ma a no unu poti den drape. Na ini a kondre watrabaki de tu, ma a no unu meki den. A abi droifidyari nanga olèifbon, ma a no unu prani den. Toku na unu o nyan den sani dati teleki un bere furu.+ 12  Ma sorgu taki unu no frigiti+ Yehovah di tyari unu komoto fu Egepte pe unu ben de srafu. 13  Un musu abi lespeki gi Yehovah un Gado,+ èn na en un musu dini.+ Te unu e meki wan sweri, dan un musu sweri na en nen.+ 14  Un no musu dini nowan tra gado, nowan gado fu den pipel di de na un lontu.+ 15  (Bika Yehovah un Gado di de na un mindri, na wan Gado di wani taki sma musu dini en wawan.)+ Efu unu du dati, dan unu o meki na ati fu Yehovah un Gado bron srefisrefi,+ èn a o kiri unu puru na grontapu.+ 16  Un no musu tesi+ Yehovah un Gado leki fa unu ben tesi en na Masa.+ 17  Un musu sorgu taki unu gi yesi na den komando,+ den rai,+ nanga den wèt+ di Yehovah un Gado gi unu.+ 18  Un musu du san reti èn san bun, soleki fa Yehovah wani. Dan sani o waka bun nanga unu+ èn unu o go na ini a bun kondre di Yehovah ben pramisi den afo fu unu.+ 19  Soleki fa Yehovah pramisi, unu o yagi ala den feanti di unu o miti na pasi.+ 20  Bakaten te un manpikin o aksi unu:+ ’Fu san ede Yehovah wi Gado gi unu den rai, den wèt, nanga den komando disi?’, 21  dan un musu taigi un manpikin: ’Wi ben tron srafu fu a kownu na ini Egepte, ma Yehovah gebroiki en krakti fu puru wi na Egepte.+ 22  Nanga wi eigi ai wi si fa Yehovah du bigi sani nanga wondru+ fu meki rampu miti den Egeptesma, a kownu, nanga en heri osofamiri.+ 23  A puru wi fu drape èn a tyari wi kon dyaso fu gi wi a kondre di a pramisi den afo fu wi.+ 24  Dati meki Yehovah taigi wi fu hori ala den wèt disi.+ Na so wi o abi lespeki gi Yehovah wi Gado. Ala ten sani o waka bun gi wi,+ èn wi o tan na libi, soleki fa wi tan na libi teleki tide.+ 25  Yehovah wi Gado o si wi leki reti-ati sma+ te wi e hori ala den komando fu en, bika na dati a taigi wi fu du.’+

Futuwortu

Hebrew wortu: nefesj. Luku „Moro sani”, nr. 8.
Noso: „manpikin.”