Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Deuteronomium 24:1-22

24  Kon meki wi taki dati wan man teki wan uma èn a trow nanga en. Efu a man feni bakaten taki a no lobi na uma moro, fu di na uma du wan sani di no fiti,+ dan a man musu skrifi na tapu wan papira taki a broko a trow nanga en.+ A musu gi dati na a uma èn a musu seni na uma gowe fu en oso.+  Na uma musu gowe èn a kan trow nanga wan tra man.+  Ma kande a tra masra no lobi na uma moro èn a gi en wan papira pe skrifi taki a broko a trow nanga en, dan a seni en gowe fu en oso. Noso kande a tra masra kon dede.  We, dan a fosi masra di ben seni na uma gowe, no o kisi primisi fu trow nanga en baka, bika gi a man disi na uma no krin moro.+ Yehovah un Gado no lobi en kwetikweti efu a fosi masra ben o trow nanga na uma baka. A heri kondre di Yehovah un Gado gi unu ben o sondu efu unu du so wan sani.  Efu wan man trow nanga wan uma no so langa pasa,+ dan un no musu poti a man na ini a legre fu go feti, èn un no musu dwengi en fu du wan tra wroko. Wan heri yari a musu tan na oso, èn a musu meki en wefi firi prisiri.+  Nowan sma musu teki wan anumiri noso wan miriston fu wan trawan leki panti,+ bika a trawan abi a miriston fanowdu fu tan na libi.  Kon meki wi taki dati wan man fufuru wan Israelsma tyari gowe,+ a du ogri nanga en, èn a seri en.+ Efu unu kisi a man, dan un musu kiri en. Un musu puru ala ogri na un mindri.+  Te wan sma abi gwasi,+ dan un musu sorgu taki unu du ala san den priester, sobun den Leifisma, o taigi unu fu du.+ Un musu du ala sani soifri+ soleki fa mi taigi den priester.  No frigiti san Yehovah un Gado du nanga Meriam di unu ben e komoto na Egepte.+ 10  Te unu leni un kondreman wan sani,+ dan un no musu go na ini en oso fu teki a sani di a ben o gi leki panti.+ 11  Un musu tan tanapu na dorosei fu na oso, èn a man di leni a sani fu unu, musu tyari a panti gi unu na dorosei. 12  Efu a man de na nowtu, un no musu hori a panti teleki a tra dei.+ 13  Te unu si son e dongo, dan un musu tyari a panti gi en baka.+ Na so a man o abi wan krosi fu sribi na neti.+ A o blesi+ unu èn Yehovah un Gado o feni unu bun.+ 14  Un no musu bedrigi un wrokoman di de na nowtu èn di pôti, awinsi a wrokoman na wan Israelsma noso wan trakondre sma di e tan nanga unu na ini a foto.+ 15  Ibri dei un musu pai en gi a wroko di a du a dei dati.+ A de na nowtu, sobun un no musu pai en te son dongo kaba. A e fruwakti fu kisi a moni èn a abi en tranga fanowdu. A de wan sondu te unu no pai en,+ èn a o bari suku yepi na Yehovah.+ 16  Un no musu kiri wan papa fu wan sondu di en pikin du. Un no musu kiri wan pikin fu a sondu di en papa du.+ Na a sma di sondu, musu dede.+ 17  Te unu musu krutu na afersi fu wan trakondre sma di e tan na un mindri+ noso fu wan pikin di no abi papa,+ dan un no musu koti krutu na wan kruktu fasi. Te wan uma no abi masra moro fu di en masra dede, dan un no musu teki a krosi fu na uma leki panti.+ 18  No frigiti taki unu ben de srafu na ini a kondre Egepte, èn taki Yehovah un Gado frulusu unu fu drape.+ Dati meki mi e taigi unu fu du disi. 19  Te unu kaba koti a nyanyan na un gron,+ ma unu frigiti wan fu den bosu nyanyan na ini a gron, dan un no musu drai go teki en baka. Libi en gi den trakondre sma di e tan na un mindri, gi den pikin di no abi papa, èn gi den uma di den masra dede.+ Te unu du dati, dan Yehovah un Gado o blesi unu èn a o blesi ala san unu o du.+ 20  Te unu kaba naki den olèif puru na den bon, dan un no musu drai go puru den wan di no ben fadon fu den taki. Libi den gi den trakondre sma di e tan na un mindri, gi den pikin di no abi papa, èn gi den uma di den masra dede.+ 21  Te unu piki droifi na ini un droifidyari, dan un no musu drai go piki den droifi di tan abra. Libi den gi den trakondre sma di e tan na un mindri, gi den pikin di no abi papa, èn gi den uma di den masra dede. 22  No frigiti taki unu ben de srafu na ini a kondre Egepte.+ Dati meki mi e taigi unu fu du disi.+

Futuwortu