Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Deuteronomium 17:1-20

17  Efu wan mankaw noso wan skapu abi wan seryusu mankeri, dan un no musu tyari en leki ofrandi gi Yehovah un Gado, bika Yehovah un Gado e si den sani dati leki tegu sani.+  Kon meki wi taki dati wan man noso wan uma du wan ogri na ini wan fu den foto di Yehovah un Gado gi unu. Kande a sma trangayesi a komando fu Yehovah un Gado,+  fu di a go anbegi tra gado èn a boigi gi den. Noso kande a boigi gi a son, a mun, noso tra sani na hemel,+ aladi mi no taigi unu noiti fu du so wan sani.+  Sobun, efu sma taigi unu so wan tori èn unu yere san pasa, dan un musu ondrosuku finifini efu a tru.+ Efu a tru taki wan sma du a bigi ogri disi na ini Israel,  dan un musu tyari a sma disi go na a portu fu a foto. Un musu trowe ston na tapu a man noso na uma disi teleki a dede.+  Un musu kiri en soso te tu noso dri sma taki dati a du so wan ogri.+ Ma un no musu kiri en te wán sma nomo taki dati a du na ogri.+  Den fosi sma di musu bigin trowe ston na en tapu fu kiri en, na den sma di taki dati a du na ogri. Baka dati, a heri pipel musu trowe ston na en tapu.+ Un musu puru ala ogri na un mindri.+  Kon meki wi taki dati unu abi wan muilek afersi fu krutu.+ Kande wan sma kiri wan trawan,+ kande wan sma tyari wan trawan na fesi krutu,+ kande wan sma du wan tra ogri nanga wan trawan, noso kande wan tra problema de.+ Te unu no man lusu den afersi disi na ini den foto fu unu, dan un musu go na a presi di Yehovah un Gado o sori unu.+  Drape un musu go na den priester,+ sobun den Leifisma, èn na a krutuman+ di e koti krutu na a ten dati. Un musu aksi den fu krutu na afersi, dan den o taigi unu san den bosroiti.+ 10  Den sani di den bosroiti na a presi di Yehovah sori unu, na dati un musu du. Sorgu taki unu du ala sani soleki fa den taigi unu. 11  Den o luku san a wèt e taki, dan den o taigi unu san den bosroiti.+ Un musu du soleki fa den taki èn soleki fa den bosroiti. No prakseri fu du sani tra fasi leki fa den taigi unu.+ 12  Efu wan sma prefuru fu no arki a priester di e wroko drape gi Yehovah un Gado, noso a no wani arki a krutuman,+ dan a sma dati musu dede.+ Un musu puru ala ogri na ini Israel.+ 13  Ala sma na ini Israel o kon frede te den yere san pasa+ èn den no o prefuru fu du so wan sani moro. 14  Te fu kaba, te unu kon na ini a kondre di Yehovah un Gado gi unu èn unu teki a kondre abra fu tan na ini,+ dan kande unu o wani wan kownu fu tiri unu neleki ala den tra pipel na un lontu.+ 15  We, dan un musu meki Yehovah un Gado poti wan kownu fu tiri unu.+ Na wan kondreman fu unu, un musu teki leki kownu. Un no musu teki wan trakondre sma fu tiri unu. 16  Ma a kownu no musu teki wan lo asi gi ensrefi+ èn a no musu seni a pipel go baka na Egepte fu go teki wan lo asi gi en,+ bika Yehovah ben taigi unu: ’Noiti moro un musu go baka na Egepte.’ 17  A kownu no musu teki furu wefi tu, bika den wefi kan meki taki a drai baka gi Gado.+ Boiti dati, a no musu feti fu kisi furu solfru nanga gowtu.+ 18  Te a go sidon na tapu a kownusturu fu tiri a kownukondre, dan a musu skrifi a wèt abra na ini wan buku. A wèt disi de na den Leifisma di de priester.+ 19  Ala ten a kownu musu abi a buku èn a musu leisi na ini solanga a de na libi.+ Na so a o leri fu lespeki en Gado Yehovah èn a o du ala san a wèt nanga den komando disi e taki.+ 20  Te a e du den sani disi, dan a no o firi ensrefi moro hei leki den brada fu en+ èn a no o trangayesi den komando. Te a e du ala san den komando e taki,+ dan en nanga den manpikin fu en o libi langa na ini a kownukondre Israel.+

Futuwortu