Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Esekièl 25:1-17

25  Ne Yehovah taigi mi:  „Manpikin fu libisma, luku go na den manpikin fu Amon èn taigi den san o pasa nanga den.+  Taigi den manpikin fu Amon: ’Arki san a Moro Hei Masra Yehovah taki. A Moro Hei Masra Yehovah taki: „Unu ben feni en bun taki ogri pasa nanga mi santa presi, bika a ben kon doti. Unu ben breiti taki Israel tron wan brokopresi èn taki den sma fu Yuda go na ini katibo.+  Mi o meki den sma di e libi na Owstusei, teki unu abra.+ Den o poti den kampu fu den di lontu nanga skotu, na ini un kondre. Den o poti den tenti fu den na ini un kondre. Den o nyan den sani di unu prani èn den o dringi un merki.+  Mi o meki a foto Raba+ tron wan weigron gi kameili. Mi o meki a kondre fu den Amonsma tron wan tanpresi gi meti.+ Unu sa musu fu sabi taki mi na Yehovah.”’”+  „Disi na san a Moro Hei Masra Yehovah taki: ’Unu naki un anu+ èn unu stampu nanga un futu. Nanga prisiri unu spotu Israel di unu si san pasa nanga en.+  Dati meki mi o langa mi anu fu strafu unu+ èn mi o meki den tra kondre fufuru ala sani fu unu tyari gowe. Mi o kiri unu puru na mindri den tra pipel. Mi o kiri unu, so taki unu no de na ini den kondre moro.+ Mi o figi unu puru.+ Unu sa musu fu sabi taki mi na Yehovah.’  Disi na san a Moro Hei Masra Yehovah taki: ’Moab+ nanga Seyir+ taki: „Luku! Den sma fu Yuda de leki ala den tra pipel.”+  Dati meki mi o meki den feanti go feti nanga Moab na tapu a bergi, nanga den foto di de krosibei fu a lanki fu en, den moro moi foto, iya, Bet-Yesimot,+ Bâal-Meon,+ èn srefi nanga den foto di de te na Kiriatayim.+ 10  Mi o gi den nanga den Amonsma+ na den sma di e libi na Owstusei,+ so taki den tra pipel no o memre+ den Amonsma moro. 11  Mi o strafu sma+ na ini Moab èn den sa musu fu sabi taki mi na Yehovah.’+ 12  Disi na san a Moro Hei Masra Yehovah taki: ’Den sma fu Edom strafu den sma fu Yuda, den ben e tan du ogri na ala sei èn den ben puru atibron na den tapu.+ 13  Dati meki a Moro Hei Masra Yehovah taki: „Mi o langa mi anu fu strafu Edom tu+ èn mi o kiri den libisma nanga osometi fu en.+ Mi o meki Edom tron wan brokopresi, iya, fu Teiman+ te go miti Dedan.+ Sma o kiri den Edomsma nanga feti-owru. 14  Nanga yepi fu mi pipel Israel+ mi o puru atibron na tapu Edom. Fu di mi ati e bron, mi o meki den Israelsma strafu den sma fu Edom. Den sma fu Edom sa musu fu sabi fu san ede mi strafu den’,+ na so a Moro Hei Masra Yehovah taki.”’ 15  A Moro Hei Masra Yehovah taki: ’Den Filisteasma puru atibron na tapu den Israelsma+ èn den wisiwasi den. Den wani pori den+ èn ala ten den si den leki feanti.+ 16  Dati meki a Moro Hei Masra Yehovah taki: „Mi o langa mi anu fu strafu den Filisteasma.+ Mi o kiri den Kreitisma+ èn mi o pori den tra sma di e tan na a sesyoro.+ 17  Mi o strafu den hebi èn nanga atibron mi o piri-ai gi den.+ Den sa musu fu sabi taki na mi, Yehovah, strafu den.”’”+

Futuwortu