Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Esekièl 24:1-27

24  Na a di fu tin dei fu a di fu tin mun na ini a di fu neigi yari, Yehovah taigi mi:  „Manpikin fu libisma, skrifi sortu dei a de, iya, a dei fu tide. A kownu fu Babilon go feti nanga Yerusalem na a srefi dei disi.+  Meki wan odo di abi fu du nanga den sma disi di e opo densrefi teige mi.+ Yu musu taki: ’Disi na san a Moro Hei Masra Yehovah taki: „Poti a bradimofo patu na tapu wan faya. Kanti watra na ini tu.+  Poti pisi meti na ini.+ Poti ala den bun pisi, den bowtu nanga den skowru na ini. Furu a patu nanga den moro bun bonyo.  Teki den moro bun skapu+ èn poti udu na ondro a patu. Bori den pisi meti nanga den bonyo na ini.”’”+  „A Moro Hei Masra Yehovah taki: ’Helu fu a foto di kiri so furu sma,+ iya, a bradimofo patu di frustu na inisei. A frustu fu en no komoto na ini! Puru ala pisi meti na ini a patu.+ No iti lòt gi en.+  En eigi brudu de na ini en.+ A foto poti en na tapu wan brenki bigi ston pe noti no de na tapu. A no trowe en na gron fu tapu en nanga doti.+  Mi libi en brudu na tapu wan brenki bigi ston pe noti no de na tapu èn nowan sma o tapu en.+ Dan mi ati o bron èn mi o strafu en.’+  Disi na san a Moro Hei Masra Yehovah taki: ’Helu fu a foto di kiri so furu sma!+ Mi srefi o meki na ipi udu kon moro bigi.+ 10  Tyari furu udu kon. Leti a faya. Bori a meti teleki a kon safu. Kanti a watra fu en puru, meki den bonyo kon faya srefisrefi. 11  Meki a leigi patu tan tanapu na tapu den krofaya, so taki a kon faya. A kopro fu en musu kon faya èn den doti sani di de na ini musu smèlter.+ Bron a frustu fu en puru.+ 12  Na fu soso sma meki so furu muiti! Den kon weri. Den no man puru a frustu fu en, fu di a furu.+ Trowe a frustu patu go na ini a faya!’ 13  ’Fu di yu ben du ogri sondro fu syen, meki yu no ben krin.+ Dati meki mi ben musu fu krin yu, ma toku yu no kon krin.+ Yu no o krin teleki mi o puru atibron na yu tapu.+ 14  Na mi, Yehovah taki so.+ A o pasa trutru+ èn mi o du wan sani. Mi no o sidon nomo,+ mi no o firi sari gi en+ èn a no o hati mi tu.+ Den o krutu yu gi a fasi fa yu tyari yusrefi èn gi den sani di yu du’,+ na so a Moro Hei Masra Yehovah taki.” 15  Yehovah taigi mi tu: 16  „Manpikin fu libisma, wantronso mi o puru a sani di yu lobi.+ Ma yu no musu naki yu borsu, yu no musu bari krei èn watra no musu lon na yu ai.+ 17  Geme sondro fu taki wan sani. No row gi den dedewan.+ Tai yu ede,+ weri susu na yu futu.+ Yu no musu tapu yu snor+ èn yu no musu nyan brede di tra sma gi yu.”+ 18  Ne mi bigin taki nanga den sma na mamanten. A neti dati mi wefi dede. A tra mamanten mi du san Gado ben taigi mi fu du. 19  Doronomo a pipel ben e aksi mi: „Yu no wani fruteri wi san den sani di yu e du abi fu du nanga wi?”+ 20  Dan mi taigi den: „Na Yehovah taigi mi: 21  ’Taigi den sma fu Israel: „Disi na san a Moro Hei Masra Yehovah taki: ’Mi o doti mi santa presi,+ a sani di unu e prodo nanga en srefisrefi,+ a sani di unu lobi+ èn di unu e firi sari gi. Nanga feti-owru sma o kiri un manpikin nanga un umapikin+ di unu ben libi na baka. 22  Ma un musu du san mi ben du. Un no musu tapu un snor+ èn un no musu nyan a brede di tra sma gi unu.+ 23  Un musu weri a tai-ede fu unu èn un musu weri un susu. Un no musu naki unsrefi, un no musu krei.+ Den sondu fu unu o meki unu dede gowe.+ Unu alamala o geme.+ 24  Esekièl o de leki wan marki gi unu.+ Ala san a du, na dati unu o du. Te a ten dati doro,+ unu alamala o sabi tu taki mi na a Moro Hei Masra Yehovah.’”’”+ 25  „Manpikin fu libisma, na a dei dati mi o puru a fortresi fu den, a moi sani di gi den prisiri, a sani di den lobi,+ a sani di den wani srefisrefi. Mi o puru den manpikin nanga den umapikin+ fu den tu. 26  Na a dei dati den sma di lowe o tyari wan boskopu gi yu.+ 27  Na a dei dati, yu o opo yu mofo fu taki nanga den wan di lowe.+ Yu no o tan pî moro.+ Yu o de leki wan marki gi den+ èn den sa musu fu sabi taki mi na Yehovah.”+

Futuwortu