Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Esekièl 18:1-32

18  Baka dati Yehovah taigi mi:  „Unu e koti wan odo na ini Israel. Unu e taki: ’Den papa e nyan grun droifi, ma na den tifi fu den manpikin fu den e kon swa.’ San na odo dati wani taki?+  We, a Moro Hei Masra Yehovah taki: ’Neleki fa a de seiker taki mi de na libi, na so a de seiker taki unu no o taki a sani disi moro na ini Israel.  Luku, a libi fu ibriwan sani na fu mi.+ A libi+ fu a papa na fu mi èn a libi fu a manpikin na fu mi.+ A sma* di e sondu,+ na en o dede.+  Kon meki wi taki dati wan man na wan reti-ati sma èn taki a koti krutu na wan reti fasi.+  A no go nyan+ den ofrandi di sma e tyari gi den falsi gado na tapu den bergi,+ a no go anbegi den fisti gado fu den Israelsma+ èn a no go didon nanga a wefi fu wan tra sma.+ Noiti a go didon nanga wan uma di no ben krin.+  Noiti a man disi du ogri nanga trawan.+ A e gi wan sma a sani baka, di a sma ben gi en leki panti.+ Noiti a ben e fufuru sma sani.+ Te angri ben e kiri wan sma, dan a ben e gi en nyanyan+ èn te wan sma ben de sososkin a ben e teki wan krosi fu tapu a sma en skin.+  Noiti a man ben e aksi sma rente te a ben leni den wan sani+ èn noiti a ben e meki moni na sma tapu.+ A no ben abi noti fu du nanga kruka tori.+ Te a ben e koti krutu gi trawan, dan ala ten a ben e du dati na wan reti fasi.+  Efu a man disi gwenti hori den wèt+ nanga den komando fu mi fu man du sani na wan reti fasi,+ dan en na wan reti-ati sma.+ We, a man disi o tan na libi seiker’,+ na so a Moro Hei Masra Yehovah taki. 10  ’Ma kon meki wi taki dati wan papa abi wan manpikin di de wan fufuruman,+ di e kiri sma+ èn di e du iniwan tra sortu ogri 11  (ma a papa srefi no du nowan fu den sani disi). A manpikin disi nyan den ofrandi di sma e tyari gi den falsi gado na tapu den bergi+ èn a go didon nanga a wefi fu wan tra sma.+ 12  A du ogri nanga den mofinawan+ èn nanga den pôtiwan. A fufuru sma sani srefi.+ A no e gi wan sma a sani baka, di a ben teki leki panti.+ A e anbegi den fisti gado+ èn a e du tegu sani.+ 13  Te sma ben e kon leni moni na en, dan a ben e meki moni na den tapu+ èn te a ben e leni wan sma wan sani, dan a ben e meki a sma pai rente+. Iya, efu a manpikin du ala den tegu sani disi,+ dan na dede nomo a o dede. A o pai gi en eigi sondu.+ 14  Kon meki wi taki dati wan papa abi wan manpikin di e si ala den sondu di en papa e du, ma a manpikin no e du nowan fu den ogri di en papa e du.+ 15  A manpikin no go nyan den ofrandi di sma e tyari gi den falsi gado na tapu den bergi, a no go anbegi den fisti gado fu den Israelsma+ èn a no go didon nanga a wefi fu en mati.+ 16  Noiti a no du ogri nanga trawan.+ Noiti a teki sma sani leki panti.+ Noiti a fufuru sma sani.+ Te angri ben e kiri wan sma, dan a ben gi a sma nyanyan+ èn te wan sma ben de sososkin a ben teki wan krosi fu tapu a sma skin.+ 17  A no kwinsi den wan di e pina. Te sma ben e kon leni moni na en, dan noiti a suku fu meki moni na den tapu+ èn te a ben e leni wan sma wan sani, dan noiti a meki a sma pai rente.+ A gi yesi na ala den komando fu mi+ èn a hori den wèt fu mi.+ So wan manpikin no o dede gi den sondu fu en papa.+ Iya, a o tan libi.+ 18  Ma en papa di ben abi drei-ai fu bedrigi trawan,+ di fufuru den sani fu trawan,+ noso di du iniwan ogri nanga mi pipel,+ musu dede gi den sondu fu en.+ 19  Ma dan unu o aksi mi: „Fu san ede a manpikin no abi fu pai gi nowan fu den sondu fu en papa?”+ We, na fu di a manpikin du san reti. A tyari ensrefi leki wan reti-ati sma.+ A hori ala den wèt fu mi èn te now ete a e hori den.+ A man disi o tan na libi nomonomo.+ 20  A sma di e sondu, na en o dede.+ Wan manpikin no musu tyari den takru bakapisi fu den ogri di en papa du èn wan papa no musu tyari den takru bakapisi fu den ogri di en manpikin du.+ A sma di du bun, o kisi wini fu dati.+ Ma a sma di du ogri o kisi strafu fu na ogri di ensrefi du.+ 21  Efu wan ogri sma tapu nanga den ogri di a ben e du,+ efu a e hori ala den wèt fu mi, efu a e du san reti,+ èn efu a e libi bun, dan a o tan na libi trutru. A no o dede.+ 22  Mi no o memre nowan fu den ogri di a ben du+ èn mi no o strafu en gi den ogri dati. Na fu di a e libi bun, meki a o tan na libi.’+ 23  A Moro Hei Masra Yehovah taki: ’Unu denki taki mi e prisiri te wan ogri sma dede?+ Unu no sabi taki mi e prisiri te na ogri sma tapu nanga den ogri di a e du, so taki a kan tan na libi?’+ 24  ’Te wan reti-ati sma tapu fu du san reti èn a e bigin du ogri+ èn a e tan du ala den tegu sani di ogri sma gwenti du,+ ma a e tan libi, dan mi no o memre nowan fu den bun sani di a ben du.+ Na fu di a trangayesi èn fu di a sondu, meki a musu dede.+ 25  Ma dan unu o taki: „Yehovah no e du sani na wan reti fasi.”+ Un Israelsma, mi e begi unu, arki mi. Unu no e si taki mi e du sani na wan reti fasi?+ Na unu no e du sani na wan reti fasi, a no so?+ 26  Te wan reti-ati sma tapu fu du san reti èn a e bigin du ogri,+ dan a o dede fu den sani di a du. Iya, a o dede bika a ben du ogri.+ 27  Te wan ogri sma tapu nanga na ogri di a ben e du, èn a e du san reti èn a e libi bun,+ dan na ensrefi o meki taki a o tan na libi.+ 28  Te a si+ ala den ogri di a du èn a e tapu fu du den,+ dan a o tan na libi trutru. A no o dede.+ 29  Ma dan den Israelsma o taki: „Yehovah no e du sani na wan reti fasi.”+ Un Israelsma, unu no e si taki mi e du sani na wan reti fasi?+ Na unu no e du sani na wan reti fasi, a no so?’+ 30  ’Un Israelsma, na fu dati ede mi o krutu ibriwan fu unu gi den sani di unu e du’,+ na so a Moro Hei Masra Yehovah taki.+ ’Un drai kon baka èn tapu nanga ala den ogri di unu e du.+ Noti no musu meki unu sondu.+ 31  Tapu nanga ala den ogri di unu ben du+ èn du muiti fu kon abi wan nyun ati+ èn kenki a fasi fa unu e denki.+ Un Israelsma, fu san ede un musu dede?’+ 32  ’Mi no e prisiri kwetikweti te wan sma dede’,+ na so a Moro Hei Masra Yehovah taki. ’Sobun, tapu nanga den ogri di unu e du, so taki unu kan tan na libi.’”+

Futuwortu

Hebrew wortu: nefesj. Luku „Moro sani”, nr. 8.