Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Esekièl 1:1-28

1  Na a di fu feifi dei fu a di fu fo mun na ini a di fu dritenti yari mi ben de nanga den katiboman+ na Kebar-liba.+ Ne hemel opo,+ dan mi kisi wan fisyun fu Gado.+  Na a di fu feifi dei fu a mun, sobun, na ini a di fu feifi yari di Kownu Yoyakin+ ben de na ini katibo,  Yehovah taki+ nanga mi, Esekièl,+ a manpikin fu Priester Busi. Na a ten dati mi ben de na Kebar-liba na ini a kondre fu den Kaldeyasma.+ Drape mi firi a krakti fu Yehovah.+  Ne mi si na ini wan fisyun fa wan bigi winti+ nanga wan bigi wolku+ e wai kon fu noordsei. Faya ben e koti na ini a wolku.+ A heri wolku ben e brenki. Na mindrisei fu a faya wan sani ben de di ben brenki leki gowtu di moksi nanga solfru.+  Fo libisani+ ben de na mindrisei fu a faya. Den ben gersi libisma.  Ibriwan fu den ben abi fo fesi+ èn ibriwan fu den ben abi fo frei.+  Den futu fu den no ben kron. Den ondrofutu ben de leki na ondrofutu fu wan pikin kaw+ èn den ben brenki neleki brenki kopro.+  Den fo libisani ben abi fesi èn den ben abi frei.+ Na ondro ibriwan fu den fo frei+ wan anu fu wan libisma ben de.  Den frei fu den ben fasi makandra. Te den ben e gowe den no ben e drai, ma ibriwan fu den ben e gowe langalanga.+ 10  Ala den fo libisani ben abi wan libisma fesi.+ Na reti-anusei+ den ben abi a fesi fu wan lew.+ Na kruktu-anusei+ den ben abi a fesi fu wan mankaw.+ Den fo libisani ben abi a fesi fu wan aka+ tu. 11  Na so den fesi fu den ben de. Den ben bradi den frei+ fu den opo go na loktu. Ibriwan fu den libisani ben abi tu frei di ben fasi makandra èn tu frei ben tapu den skin.+ 12  Ibriwan fu den ben e gowe langalanga.+ Awinsi pe a yeye ben wani den fu go, na drape den ben e go tu.+ Den no ben abi fu drai te den ben e gowe.+ 13  Den libisani ben gersi krofaya di e bron.+ Wan sani di ben gersi frambo+ ben e buweigi go-kon na mindri den libisani. A faya fu den frambo ben e brenki èn leti ben e skèin na ini a faya.+ 14  Te den libisani ben e gowe èn te den ben e drai kon baka, den ben gersi faya di ben e koti na hemel.+ 15  Di mi luku den libisani, mi si wan wiel na tapu a gron na sei den+ fo fesi fu ibriwan fu den.+ 16  Den wiel+ ben e brenki leki krisolit-ston.+ Ala den fo wiel ben de a srefi. Den wiel ben meki na so wan fasi taki a ben gersi leki wan wiel ben de na mindri fu wan tra wiel.+ 17  Te den ben e gowe, den ben kan go na iniwan sei pe den ben wani go.+ Den no ben abi fu drai fu go na wan tra sei.+ 18  Den lanki fu den ben hei so te, taki den ben meki sma frede. Den lanki fu ala den fo wiel ben abi ai na ala sei.+ 19  Te den libisani ben e gowe, den wiel di ben de na den sei, ben e gowe tu. Te den libisani ben e opo go na loktu, den wiel ben e opo go na loktu tu.+ 20  Awinsi pe a yeye ben wani den fu go, na drape den ben e go tu. Ibri leisi te den libisani ben opo go na loktu, den wiel ben opo go na loktu tu, bika a yeye di ben de na ini den libisani, ben de na ini den wiel tu. 21  Te den libisani ben e gowe, den wiel ben e gowe tu. Te den libisani ben tan tanapu, den wiel ben tan tanapu tu. Te den libisani ben opo go na loktu, den wiel di ben de na den sei ben opo go na loktu tu, bika a yeye di ben de na ini den libisani, ben de na ini den wiel tu.+ 22  Na tapusei fu den libisani wan bigi plata sani ben de. A sani disi ben gersi wan plata pisi ijs di ben e brenki èn di ben moi srefisrefi. A ben bradi na tapusei+ fu den libisani. 23  Na ondrosei fu a plata sani den frei fu den libisani ben opo go na loktu èn den ben fasi makandra. Ibriwan fu den ben abi tu frei di ben tapu a wan sei fu den skin èn den ben abi tu frei di ben tapu a tra sei fu den skin. 24  Di den gowe, mi yere a babari di den frei fu den meki. A ben de leki a babari fu wan bigi sula,+ leki a sten fu na Almaktiwan, leki a babari+ di wan bigi grupu sma+ e meki èn leki a babari fu wan legre. Te den ben tan tanapu, den ben saka den frei. 25  Ne mi yere wan sten di komoto na a plata sani na tapusei fu den. (Te den ben tan tanapu, den ben saka den frei.) 26  Na tapusei fu a plata sani disi wan sani ben de di gersi wan kownusturu+ fu safir-ston.+ A ben gersi leki wan libisma ben e sidon na tapu+ a sani di gersi wan kownusturu. 27  Mi si wan sani di ben gersi en dyonku. Fu en dyonku go na loktu a ben gersi brenki gowtu+ di moksi nanga solfru, èn faya ben de na en lontu.+ Fu en dyonku go na ondro a ben gersi wan faya, èn wan brenki leti ben de na en lontu. 28  A brenki leti di ben de na en lontu ben gersi wan alenbo+ di de fu si na den wolku, baka te hebi alen fadon. A ben gersi a glori fu Yehovah.+ Di mi si a sani disi mi boigi nanga mi fesi go na gron,+ dan mi yere wan sma bigin taki nanga mi.

Futuwortu