Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

2 Timoteyus 4:1-22

4  Na fesi Gado èn na fesi Krestes Yesus di o krutu+ den libiwan nanga den dedewan+ te a sori ensrefi+ èn te a doro na ini en Kownukondre,+ mi e taigi yu na wan seryusu fasi:  preiki a wortu,+ du disi fayafaya na ini bun ten+ èn na ini muilek ten,+ gi sma rai,+ warskow den èn gi den deki-ati. Du dati nanga ala pasensi+ èn nanga a koni fu gi sma leri,  bika wan ten o kon taki sma no o wani yere a soifri leri.+ Den o du san densrefi wani èn den o suku wan lo leriman di o taki sani nomo fu switi den yesi.+  Den no o wani arki a tru leri, ma den o arki leitori.+  Ma yu musu de nanga krin frustan+ ala ten. Nyan pina,+ du a wroko fu wan preikiman+ fu a bun nyunsu, du yu wroko finifini.+  Den kanti mi trowe kaba leki wan dringi-ofrandi+ èn a ten di mi o kon fri+ de krosibei kaba.  Mi feti a bun feti.+ Mi lon a streilon te na a kaba.+ Mi no lasi bribi.+  Bigin fu now a kownu-ati fu retidu+ e wakti mi. Na dati Masra di de wan reti-ati krutuman,+ o gi mi leki pai+ na a krutudei.+ Toku a no mi wawan o kisi a pai dati, ma sosrefi ala den sma di ben e angri fu Masra sori ensrefi.  Du muiti fu kon esi na mi,+ 10  bika Deimas+ gowe libi mi, fu di a lobi a grontapu+ disi. A go na Tesalonika. Kresens go na Galasia+ èn Titus go na Dalmasia. 11  Lukas wawan de nanga mi. Tyari Markus kon nanga yu, bika a kan yepi mi+ nanga a wroko. 12  Ma mi seni Tikikus+ go na Efeise. 13  Te yu kon, tyari a dyakti kon di mi ben libi na Karpus na ini Trowas+ èn tyari den bukulolo kon tu, spesrutu den wan di meki fu metibuba. 14  A koprosmeti Aleksander+ du mi furu ogri, ma Yehovah o pai en baka gi den sani di a du.+ 15  Yu srefi musu luku bun nanga en, bika a ben kakafutu gi a boskopu fu wi fayafaya. 16  A fosi leisi di mi ben abi fu opo taki gi misrefi, nowan sma horibaka gi mi, ma den alamala gowe libi mi.+ Meki Gado gi den pardon fu dati.+ 17  Ma Masra tan na mi sei+ èn a gi mi krakti,+ so taki mi ben kan du a preikiwroko finifini èn ala pipel ben kan yere a boskopu disi.+ A ben puru mi na a mofo fu a lew.+ 18  Masra o puru mi na ini ala ogri+ èn a o frulusu mi, so taki mi kan go na ini en Kownukondre na hemel.+ Meki a kisi glori fu têgo, iya, fu ala ten. Amen. 19  Gi Preska,+ Akwila nanga na osofamiri fu Oneisiforus+ odi gi mi. 20  Erastus+ tan na Korente.+ Ma mi libi Trofimus+ na Mileite,+ fu di a siki. 21  Du muiti fu kon dya bifo a kowru ten fu a yari. Ebulus e seni taki yu odi, sosrefi Pudens, Linus, Klawdia nanga ala den tra brada. 22  Meki Masra de nanga yu, fu di yu abi a yoisti fasi fu denki.+ Meki a sori unu bun-ati.

Futuwortu