Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

2 Timoteyus 2:1-26

2  Fu dati ede mi pikin,+ meki a bun-ati+ di Gado e sori sma te den de wán nanga Krestes Yesus, tan gi yu moro krakti.+  Fruteri den man di e gi yesi na Gado ala ten, den sani di mi taigi yu èn di furu sma e taki fu dati.+ Dan den man disi srefi o kon koni nofo fu gi tra sma leri.+  Leki wan bun srudati+ fu Krestes Yesus, yu musu de klariklari fu nyan pina.+  Nowan man di de wan srudati+ e broko en ede nanga bisnis afersi.+ Na so fasi a sma di teki en leki srudati kan feni en bun.  Boiti dati, srefi na ini wan wega+ a de so taki te wan sma no e prei na a fasi fa a wega musu prei, a no e kisi wan kransi.  A gronman di e wroko tranga musu de a fosi sma di o nyan den froktu fu en gron.+  Prakseri ala ten san mi taki, dan Masra o meki yu kon frustan+ ala sani.  Memre taki Yesus Krestes kisi wan opobaka+ èn taki a ben de wan bakapikin fu David,+ soleki fa a bun nyunsu di mi e preiki, e taki.+  Na fu a bun nyunsu disi ede mi e nyan pina èn na fu disi ede meki mi de na strafu-oso+ leki wan ogriman. Ma toku noti no man tapu a wortu fu Gado.+ 10  Dati meki awinsi san e miti mi, mi e horidoro gi a bun fu den wan di Gado kari,+ so taki Krestes Yesus kan yepi den fu kisi frulusu tu, makandra nanga têgo glori.+ 11  Yu kan bribi a sani disi:+ Fu tru, efu wi dede makandra nanga en, dan wi o libi makandra nanga en tu.+ 12  Efu wi tan horidoro, dan wi o tiri leki kownu+ makandra nanga en tu. Efu wi taki dati wi no sabi en,+ dan en o taki tu dati a no sabi wi. 13  Awansi wi no e du san Gado taki, toku Gado srefi e du ala ten san a taki,+ bika a no man tyari ensrefi tra fasi leki fa a de trutru. 14  Tan memre+ den na den sani disi. Taigi+ den na fesi Gado+ fu no meki trobi fu wortu ede.+ A sani dati no e tyari nowan wini kon. A kan meki den wan di e arki a trobi, lasi bribi. 15  Du ala muiti fu gi yusrefi na Gado leki wan sma di a feni bun,+ wan wrokoman+ di no abi fu syen fu noti+ èn di man gebroiki a tru leri na ini Gado wortu na wan yoisti fasi.+ 16  Wai pasi gi lawlaw takitaki di e pori santa sani,+ bika den sma di e taki den sani dati o kon ogri moro nanga moro.+ 17  Den sani di den e taki o panya leki wan takru soro+ di e nyan a meti fu a skin. Himeneyus nanga Fileitus na tu fu den sma disi.+ 18  Den man disi drai baka gi a tru bribi,+ fu di den e taki dati na opobaka pasa kaba.+ Den e meki tu taki son sma lasi bribi.+ 19  Toku Gado seti wan steifi fondamenti di no man seki.+ Disi na den wortu di stampu na tapu a fondamenti: „Yehovah sabi den sma di de fu en”,+ èn: „Meki ala sma di e kari a nen fu Yehovah,+ drai baka gi kruktudu.”+ 20  We, na ini wan bigi oso yu abi difrenti patu pe sma e poti sani na ini. Yu abi patu di meki fu gowtu noso fu solfru, ma yu abi sosrefi den wan di meki fu udu noso fu tokotoko. Sonwan fu den na fu du wan prenspari wroko, ma trawan na fu du wan lagi wroko.+ 21  Sobun, efu wan sma no e fasi den patu di de fu du wan lagi wroko, dan a sma srefi o de wan patu di de fu du wan prenspari wroko. A o de santa èn a basi fu en o man gebroiki en gi ibri sortu bun wroko.+ 22  Sobun, wai pasi gi den lostu di yongu sma abi.+ Ma du muiti fu de wan reti-ati sma,+ fu abi bribi, fu sori lobi èn fu abi freide.+ Du dati makandra nanga den wan di e kari Masra nen nanga wan krin ati.+ 23  Boiti dati, no go na ini ala sortu lawlaw nanga dondon takitaki,+ fu di yu sabi taki disi e tyari trobi kon.+ 24  Wan srafu fu Masra no musu meki trobi,+ ma a musu sori switifasi gi ala sma+ èn a musu abi a koni fu man gi sma leri.+ Te ogri e miti en, a musu man hori ensrefi.+ 25  Nanga safri-ati a musu gi leri na den sma di no wani arki,+ bika kande Gado o meki den abi berow,+ so taki den kan kon sabi finifini san na den tru tori fu Gado.+ 26  Dan den kan kisi densrefi baka èn komopo na ini a trapu+ fu Didibri, fu di a ben kisi den libilibi+ fu du a wani fu en.

Futuwortu