Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

2 Tesalonikasma 3:1-18

3  Te fu kaba, mi brada, tan begi gi wi+ taki a wortu fu Yehovah+ kan panya esi-esi+ èn taki sma kan teki en nanga lespeki, neleki fa unu ben e teki en nanga lespeki.  Iya, begi taki Gado kan frulusu wi fu den takru-ati sma èn fu den ogri sma,+ bika a no ala sma abi bribi.+  Ma Masra e du ala ten san a pramisi. A o gi unu deki-ati èn a o kibri unu gi na ogriwan.+  Boiti dati, wi leki bakaman fu Masra sabi+ taki unu e du san wi e taigi unu fu du+ èn taki unu o tan du en.  Meki Masra tiri un ati na a yoisti fasi ala ten, so taki unu kan lobi+ Gado èn so taki unu kan horidoro+ fu kan dini Krestes.  We, mi brada, wi e taigi unu+ na ini a nen fu Masra Yesus Krestes, taki efu wan brada no e tyari ensrefi na wan fasi di fiti+ èn a no e du san wi ben leri unu,+ dan un no musu bumui nanga en moro.+  Iya, unu sabi san un musu du fu teki na eksempre fu wi,+ bika di wi ben de nanga unu, wi ben tyari wisrefi na wan fasi di fiti.+  Boiti dati, wi no ben e nyan a nyanyan fu sma fu soso.+ Ma wi ben e wroko tranga+ dei nanga neti, fu di wi no ben wani taki wan fu unu pai furu moni fu sorgu wi, so taki wi ben o de wan hebi gi unu.+  Aladi wi abi a reti+ fu kisi den sani disi, toku wi no e aksi unu, so taki wi kan de wan eksempre gi unu di unu kan waka na baka.+ 10  Boiti dati, te yu luku en bun, dan di wi ben de nanga unu, wi ben gwenti fu taigi unu a sani disi:+ „Efu wan sma no wani wroko, dan a no musu nyan tu.”+ 11  Disi wi ben taki, fu di wi yere taki son sma na un mindri no e tyari densrefi na wan fasi di fiti,+ iya, den no e wroko srefi, ma den e bumui nanga tra sma tori.+ 12  Na ini a nen fu Masra Yesus Krestes wi e taigi den sortu sma disi, iya, wi e gi den a rai fu du den eigi wroko sondro fu fruferi tra sma èn fu nyan a nyanyan di densrefi wroko fu en.+ 13  Mi brada, no kon weri fu du bun.+ 14  Ma efu wan sma no e du san wi taki+ na ini a brifi disi, dan un musu luku bun nanga en.+ No bumui nanga en moro,+ so taki a kan firi syen.+ 15  Toku un no musu si en leki wan feanti, ma tan gi en rai+ leki wan brada. 16  We, meki a Masra fu freide srefi gi unu freide ala ten na ala fasi.+ Meki Masra de nanga un alamala. 17  Mi, Paulus, e seni taki unu odi. Mi srefi skrifi unu,+ soleki fa unu kan si na ini ala den brifi fu mi. Disi na a fasi fa mi e skrifi. 18  Meki wi Masra Yesus Krestes sori un alamala bun-ati.+

Futuwortu