Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

2 Samuel 4:1-12

4  Di a manpikin+ fu Saul yere taki Abner dede na Hebron,+ dan a kon frede srefisrefi+ èn ala den Israelsma kon bruya.  A manpikin fu Saul ben de edeman fu tu grupu ogri-ati fufuruman.+ Ibriwan fu den grupu ben abi den eigi fesiman. A wan fesiman ben nen Bana èn a trawan ben nen Rekab. Den tu man disi ben de manpikin fu Rimon, wan man fu Berot, di ben e tan na ini a kontren fu a lo fu Benyamin. Fositen, Berot+ ben de wan pisi fu a kontren fu den Benyaminsma tu.  Na a ten dati den Berotsma lowe go na a foto Gitayim+ èn te na a dei fu tide den e libi drape leki trakondre sma.  Yonatan,+ a manpikin fu Saul, ben abi wan boi di ben malengri.+ A boi disi ben abi feifi yari di sma fu Yisreyel+ tyari a boskopu taki Saul nanga Yonatan dede. Ne na uma di ben e sorgu a boi disi opo en, dan a lowe. Na ini ala a bruya a boi kon fadon èn na so a boi kon lan. A boi disi ben nen Mefiboset.+  Now Rekab nanga Bana, den manpikin fu a Berotsma Rimon, teki pasi go na a oso fu Isboset.+ Na brekten yuru di a son ben faya srefisrefi den doro drape. Na a yuru dati Isboset ben e sribi.  Den du neleki na aleisi den e go teki na mindrisei fu na oso. Ne den go na Isboset èn den dyuku en na ini en ondrobere.+ Na so Isboset dede. Baka dati Rekab nanga en brada Bana+ gowe sondro fu sma si den.  Na a ten di den tu man disi go na ini na oso, Isboset ben e didon na tapu en langa bangi na ini en sribikamra. Den dyuku en kiri+ èn baka dati den koti en ede puru.+ Ne den teki na ede, dan den gowe. Heri neti den waka a pasi di e go na Araba-lagipresi.  Te fu kaba den tyari na ede fu Isboset+ go na David na Hebron. Den taigi Kownu David: „Disi na a ede fu Isboset, a granpikin fu yu feanti Saul+ di ben wani kiri yu.+ Mi lespeki Kownu, tide Yehovah meki Saul nanga den bakapikin fu en pai fu na ogri di den ben wani du nanga yu.”+  Ma David piki Rekab nanga en brada Bana, den manpikin fu a Berotsma Rimon: „A de seiker taki Yehovah, a sma di puru+ mi+ na ini mi banawtu,+ de na libi.+ 10  Wan leisi wan man kon fruteri mi+ taki Saul dede. A man ben prakseri taki na bun nyunsu a tyari kon gi mi. Ma di mi ben musu pai en, a sani di sma gwenti pai boskopuman, mi grabu en èn mi kiri+ en na Siklak. 11  We, dan san unu denki mi o du nanga ogri-ati man+ di kiri wan reti-ati man na ini en eigi oso na tapu en bedi? Mi no musu meki unu pai fu a kiri di unu kiri a man disi dan?+ Mi no musu figi unu puru na grontapu?”+ 12  Ne David taigi den man fu en fu kiri Rekab nanga Bana.+ Baka dati den koti den anu nanga den futu fu den man disi puru èn den anga+ den na a peti na Hebron. Den teki na ede fu Isboset, dan den beri en na a beripe fu Abner na Hebron.+

Futuwortu