Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

2 Korentesma 4:1-18

4  Wi abi a wroko+ disi, fu di Gado sori wi sari-ati.+ Dati meki wi no e gi abra.  Wi tapu nanga den syen sani+ di wi ben e du kibrikibri èn wi no e bedrigi sma. Wi no e drai Gado Wortu,+ ma wi e sori sma san a e taki trutru. Na so wi tron bun eksempre gi ala sma na fesi Gado èn disi abi krakti na tapu a konsensi fu den.+  We, efu a de so trutru taki wan duku e tapu a bun nyunsu di wi e preiki, dan a tapu gi den sma di o dede.+  Iya, a gado fu a grontapu disi+ breni a frustan fu den sma di no e bribi,+ so taki den no man si a leti+ fu a tumusi moi bun nyunsu+ fu Krestes di de leki+ Gado.  Wi no e preiki fu sani di abi fu du nanga wisrefi, ma wi e preiki taki Krestes Yesus na Masra+ èn taki wi na un srafu+ fu Yesus ede.  Na Gado ben taki: „Meki a leti skèin komoto na ini a dungru.”+ A meki wi ati kisi leti fu di a skèin a leti+ fu a tumusi moi sabi+ fu en na tapu wi ati. A leti disi de fu si na tapu Krestes en fesi.+  Ma wi abi a gudu+ disi na ini prapi fu klèidoti,+ so taki a o de krin taki a krakti+ di bigi pasa marki no e kon fu wisrefi, ma a e kon fu Gado.+  Wi e kisi ala sortu hebi tesi,+ ma a no de so taki wi no man du noti moro. Wi e bruya, ma a no de so taki wi no man feni nowan lusu.+  Sma e frufolgu wi, ma a no de so taki Gado gowe libi wi.+ Den naki wi trowe,+ ma wi no dede.+ 10  Ala ten wi e kisi fu du nanga den srefi ogri di sma ben du nanga Yesus fu kiri en.+ Na so a de krin fu si taki wi e libi leki Yesus.+ 11  Wi de na libi, ma ala ten sma wani kiri+ wi fu Yesus ede. Na so a de krin fu si na a skin fu wi taki wi e libi leki Yesus.+ 12  Ala ten dede de na wi fesi, ma unu o kisi libi.+ 13  Gado Buku taki: „Mi abi bribi, dati meki mi taki.”+ We, wi abi a srefi bribi dati. Dati meki wi e taki, 14  fu di wi sabi taki a sma di ben gi Yesus wan opobaka, o gi wi wan opobaka tu neleki Yesus. Dan a o poti wi nanga unu na en fesi.+ 15  Ala den sani disi pasa fu unu ede,+ so taki a bun-ati di Gado e sori moro nanga moro, o kon moro furu te moro nanga moro sma e taki Gado tangi. Disi e gi Gado glori.+ 16  Fu dati ede wi no e gi abra. Srefi efu a skin fu wi e kon swaki moro nanga moro, toku a sma di wi de fu inisei+ e kisi nyun krakti dei fu dei. 17  A banawtu di wi e kisi, de fu wan syatu pisi ten nomo+ èn a no hebi, ma a e meki taki wi e kisi bun bigi blesi di e tan fu têgo.+ 18  Wi no e poti prakseri na den sani di wi e si, ma wi e poti prakseri na den sani di wi no e si.+ Bika den sani di wi e si na fu wan pisi ten nomo,+ ma den sani di wi no e si na fu têgo.+

Futuwortu