Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

2 Korentesma 11:1-33

11  Mi winsi taki unu ben o abi pasensi nanga mi te mi no e gebroiki mi frustan.+ Fu taki en leti, unu abi pasensi nanga mi kaba!  Ma mi e dyarusu gi unu soleki fa Gado e dyarusu gi unu.+ Mi srefi pramisi taki unu o trow+ nanga wán masra.+ Mi wani gi unu na Krestes leki wan uma di krin+ en di no sribi nanga wan man ete.+  Ma mi e frede taki sma kan pori un frustan,+ neleki fa a sneki ben kori Eva+ na wan triki fasi. Dan unu no o de reti-ati sma èn krin sma moro soleki fa un musu de gi Krestes.+  Bika te wan sma e kon preiki fu wan tra Yesus di no de a srefi leki a wan di wi preiki fu en,+ noso te wan sma e kon nanga wan tra denki di no de a srefi leki a wan di unu abi,+ èn te wan sma e fruteri unu wan tra bun nyunsu+ leki a wan di unu e bribi kaba, dan esi-esi unu e bribi en.+  Mi feni taki na nowan fasi mi de moro mendri+ leki den kefalek bun+ apostel fu unu.  Ma awinsi mi no man taki so bun,+ toku mi no e mankeri sabi kwetikweti.+ Wi sori unu dati na ala fasi èn na ini ala sani.+  Na wan sondu mi du di mi saka misrefi,+ so taki unu kan kisi grani? Na wan sondu mi du di mi preiki a bun nyunsu fu Gado nanga prisiri gi unu, sondro fu aksi unu pai+ gi dati?  Fu tra gemeente mi teki den sani di mi ben abi fanowdu fu yepi unu.+  Ma toku di mi ben de nanga unu èn mi ben abi sani fanowdu, mi no tron wan hebi gi nowan sma,+ bika den brada di ben kon fu Masedonia+ ben gi mi furu sani di mi ben abi fanowdu. Iya, na ala fasi mi sorgu taki mi no tron wan hebi gi unu èn mi o tan du dati.+ 10  Solanga mi e taki san tru+ soleki fa Krestes ben o du dati, mi o tan meki bigi+ na ini den kontren fu Akaya. 11  Fu san ede mi du disi? Na fu di mi no lobi unu? Gado sabi taki mi lobi unu.+ 12  We, mi o tan go doro nanga san mi e du,+ so taki mi kan tapu den sma di e meki bigi fu a wroko fu den, fu di den wani de leki wi. 13  Bika den man dati na falsi apostel èn bedrigiman+ di e du neleki den na apostel fu Krestes.+ 14  Dati no e fruwondru mi, bika Satan srefi e tan du neleki en na wan engel fu leti.+ 15  Fu dati ede a no de wan fruwondru sani taki den dinari+ fu en e tan du neleki den na dinari fu retidu. Ma bakaten den o kisi pai fu san den du.+ 16  Mi e taki ete wan leisi: No meki nowan sma denki taki mi no e gebroiki mi frustan. Ma efu toku unu e denki dati, dan un musu teki mi leki wan sma di no e gebroiki en frustan, so taki mi tu kan meki bigi pikinso.+ 17  A fasi fa mi e taki now no de leki fa Krestes ben o taki, ma mi e meki bigi neleki wan sma di no e gebroiki en frustan èn di e frutrow tumusi furu tapu ensrefi.+ 18  Fu di furu sma e meki bigi fu grontapu sani,+ dan mi o meki bigi tu. 19  We, di unu feni taki unu e gebroiki un frustan, unu de klariklari fu abi pasensi nanga den sma di no e gebroiki den frustan. 20  Fu taki en leti, unu abi pasensi nanga iniwan sma di e meki unu tron srafu,+ iniwan sma di e fufuru noso di e grabu ala san unu abi, iniwan sma di e si ensrefi moro hei leki unu èn iniwan sma di e naki unu na ini un fesi.+ 21  Wi e syen fu taki disi, fu di a gersi leki wi swaki tumusi fu du wi wroko na wan bun fasi. Ma efu wan tra sma abi a deki-ati fu du wan sani, dan mi abi a deki-ati fu du dati tu. Mi e taki leki wan sma di no e gebroiki en frustan.+ 22  Den na Hebrewsma? Misrefi na wan.+ Den na Israelsma? Misrefi na wan. Den na pikin fu Abraham? Mi tu.+ 23  Den na dinari fu Krestes? We, mi o piki leki wan lawman: Mi na a moro bun dinari fu Krestes.+ Mi wroko moro tranga leki den,+ mi ben de na strafu-oso moro furu leki den,+ mi kisi bun furu fonfon èn furu leisi mi misi fu dede.+ 24  Feifi leisi den Dyu gi mi dritenti nanga neigi wipi.+ 25  Dri leisi den fon mi nanga tiki+ èn wan leisi den trowe ston na mi tapu fu kiri mi.+ Dri leisi a sipi pe mi ben de na ini sungu+ èn mi pasa wan heri dei nanga neti na ini a se. 26  Furu tron di mi ben de na pasi, ogri ben kan miti mi na tapu liba èn fufuruman ben suku fu du mi ogri.+ Mi eigi kondreman+ nanga trakondre sma ben suku fu du mi ogri.+ Sma ben wani du mi ogri na ini a foto,+ ogri ben kan miti mi na ini a sabana èn na se. Sma di ben du leki den na brada ben wani du mi ogri tu. 27  Boiti dati, mi ben abi fu wroko bun tranga, furu tron mi no ben sribi na neti,+ angri nanga watra ben e kiri mi,+ furu tron mi no ben abi nyanyan,+ mi ben e kowru èn mi no ben abi krosi fu tapu mi skin. 28  Boiti ala den sani disi, ibri dei mi e broko mi ede tu nanga ala den gemeente.+ 29  Suma swaki+ èn mi no swaki? Fa mi ati no kan bron te wan sma e meki wan trawan fadon? 30  Efu mi musu meki bigi, dan mi o meki bigi+ fu den sani di e sori taki mi swaki. 31  A Gado èn Tata fu Masra Yesus, iya, a sma di musu kisi prèise fu têgo, sabi taki mi no e lei. 32  Na ini Damaskus, a granman di e wroko gi Kownu Areitas, ben e hori wakti na a foto drape, fu di a ben wani kisi mi.+ 33  Ma den brada poti mi na ini wan baskita+ èn den saka mi komoto na wan fensre di ben de na a skotu fu a foto. Na so a no ben man kisi mi.

Futuwortu