Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

1 Yohanes 3:1-24

3  Luku fa a Tata lobi+ wi! A kari wi pikin fu Gado+ èn dati wi de trutru. Dati meki grontapu+ no sabi wi, bika grontapu no kon sabi Gado.+  Un lobiwan, nownowde wi na pikin fu Gado,+ ma a no kon na krin ete san wi o de bakaten.+ Wi sabi taki awansi o ten Gado o sori ensrefi,+ wi o de leki en,+ bika wi o si en soleki fa a de trutru.+  Ibri sma di abi a howpu disi na ini en ati, e krin+ ensrefi èn a o kon krin neleki en.+  Ibri sma di abi a gwenti fu du sondu,+ e du kruktudu sosrefi.+ Dati meki sondu+ na kruktudu.  Unu sabi tu taki Yesus ben kon fu puru den sondu fu wi.+ A no ben abi nowan sondu.+  Efu wan sma de wán+ nanga Yesus, dan a sma dati no abi a gwenti fu du sondu.+ A sma di abi a gwenti fu du sondu, no si Yesus èn a no kon sabi en tu.+  Un pikin, no meki nowan sma kori unu. A sma di abi a gwenti fu du san reti, na wan reti-ati sma, neleki fa Yesus Krestes na wan reti-ati sma.+  A sma di abi a gwenti fu du sondu, na fu Didibri, bika Didibri e sondu kaba sensi a bigin.+ Dati meki a Manpikin fu Gado ben kon.+ A ben kon fu tyari wan kaba kon na den wroko fu Didibri.+  Nowan sma di de wan pikin fu Gado, abi a gwenti fu du sondu,+ bika a santa yeye* di Gado e gi, e tan na ini a sma dati. A no man tan du sondu, bika en na wan pikin fu Gado.+ 10  Disi na fa sma kan sabi suma na den pikin fu Gado èn suma na den pikin fu Didibri: Efu wan sma no abi a gwenti fu du bun sani,+ dan a sma dati no de fu Gado. Na so a de tu nanga a sma di no lobi en brada.+ 11  Memre a boskopu di unu yere sensi a bigin,+ taki wi musu lobi makandra.+ 12  Wi no musu de leki Kain, di ben de fu na ogriwan èn di ben kiri+ en brada. Ma fu san ede a kiri en? Na fu di ensrefi ben e du ogri,+ ma en brada ben e du san reti.+ 13  Un brada, no fruwondru taki grontapu e teige unu.+ 14  Te yu luku en bun, dan na dede wi ben dede. Ma wi sabi taki wi kon na libi,+ fu di wi lobi den brada fu wi.+ A sma di no lobi en brada, e tan wan dede sma.+ 15  Ibri sma di e teige+ en brada, na wan kiriman.+ Unu sabi taki nowan kiriman+ abi têgo libi.+ 16  Na so wi kon sabi san na lobi,+ bika a gi en libi* fu a bun fu wi.+ Wi de fruplekti fu gi wi libi fu a bun fu den brada fu wi.+ 17  Ma efu wan sma abi nofo gudu+ èn a e si taki en brada de na nowtu,+ ma a e weigri fu abi sari-ati gi en,+ dan fa wi kan taki dati a lobi Gado?+ 18  Un pikin, wi no musu taki nanga wi mofo+ nomo taki wi lobi+ makandra, ma nanga wan krin ati wi musu du+ sani fu sori taki wi lobi makandra.+ 19  Na so wi o sabi taki wi e horibaka gi a tru bribi+ èn wi kan de seiker na ini wi ati taki Gado no e krutu wi. 20  Awansi na sortu fasi wi ati e krutu wi,+ meki wi hori na prakseri taki Gado bigi moro wi ati èn taki a sabi ala sani.+ 21  Un lobiwan, efu wi ati no e krutu wi, dan wi kan taki fri nanga Gado.+ 22  Awansi san wi e aksi, na dati wi e kisi fu en,+ bika wi e hori den komando fu en èn wi e du den sani di e prisiri en.+ 23  Iya, Gado ben taigi wi taki wi musu bribi na ini a nen fu en Manpikin Yesus Krestes+ èn taki wi musu lobi makandra,+ soleki fa a ben taigi wi fu du. 24  Boiti dati, a sma di e hori den komando fu en, de wán nanga en èn en de wán nanga a sma dati.+ Wi kon sabi taki a de wán nanga wi,+ bika a gi wi a yeye+ fu en.

Futuwortu

Grikitongo: „siri.”
Luku „Moro sani”, nr. 8.