Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

1 Timoteyus 2:1-15

2  Fu dati ede, a fosi sani di mi wani taigi ala sma na fu begi+ fayafaya gi ala sortu sma.+ Begi gi den. Aksi Gado sani gi a bun fu den èn taki Gado tangi gi den.  Du disi sosrefi gi kownu+ èn gi ala bigiman fu kondre,+ so taki wi kan libi wan tiri libi sondro dyugudyugu, aladi wi e dini Gado fayafaya èn na wan seryusu fasi na ini ala sani.+  Dati na san Gado, wi Frulusuman,+ feni bun èn san e gi en prisiri.+  A wani taki ala sortu sma+ musu kisi frulusu+ èn taki den musu kon sabi+ a tru leri finifini,+  bika wán Gado+ de èn wán mindriman+ de na mindri Gado+ nanga libisma.+ Dati na wan man di nen Krestes Yesus.+  A gi ensrefi leki wan paiman di fiti fu bai ala sma kon fri.+ Na fu a sani disi sma musu taki na a reti ten.  Na fu di mi ben musu taki fu a sani disi,+ meki mi kisi a wroko fu de wan preikiman èn wan apostel.+ (Den sani di mi e taki, tru.+ Mi no e lei.) Mi kisi a wroko fu leri den trakondre sma+ san na bribi+ èn san na a tru leri.  Fu dati ede, mi wani taki na ala presi pe unu e kon makandra, na den mansma musu tan begi. Den mansma di e opo den anu,+ aladi den e begi musu de sma di e tai hori na Gado. Den musu de sma di no e kisi atibron+ èn di no e haritaki nanga makandra.+  Mi wani tu taki den umasma musu moi densrefi nanga krosi di fiti. Den musu du dati na wan lespeki fasi+ èn nanga krin frustan, ma te den e moi densrefi, dan a no musu de nomo taki den e brei den ede-wiwiri na ala sortu modo fasi, noso taki den e weri gowtu, peri noso diri krosi.+ 10  Ma den musu moi densrefi soleki fa a fiti umasma di e taki dati den e anbegi Gado.+ Den musu du bun sani.+ 11  Te wan uma e teki leri, dan a musu tan tiri nanga ala sakafasi.+ 12  Mi no e gi wan uma pasi fu gi leri,+ noso fu basi wan man,+ ma a musu tan tiri, 13  bika Gado meki Adam fosi, baka dati a meki Eva.+ 14  Sosrefi, Didibri no ben kori Adam,+ ma a ben kori na uma,+ so taki a pasa a wèt.+ 15  Ma te wan uma meki pikin,+ dan disi o kibri en, soso efu a e tan sori taki a e bribi, taki a lobi sma, taki a de santa èn taki a de nanga krin frustan.+

Futuwortu