Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

1 Tesalonikasma 1:1-10

1  Mi, Paulus, di de nanga Selfanus+ èn Timoteyus,+ e skrifi a gemeente fu den Tesalonikasma di de wán+ nanga Gado wi Tata èn nanga Masra Yesus Krestes: Meki Gado sori unu bun-ati èn meki a freide fu en de nanga unu.+  Ala ten wi e taki Gado tangi, te wi e taki fu un alamala na ini den begi fu wi,+  bika te wi de na fesi wi Gado èn Tata, dan noiti wi e frigiti a wroko di unu e du fu di unu abi bribi,+ nanga ala a muiti di unu e du fu di unu abi lobi èn a fasi fa unu e horidoro fu di unu e howpu+ tapu wi Masra Yesus Krestes.  Wi brada di Gado lobi, wi sabi taki a kari unu,+  bika di wi preiki a bun nyunsu gi unu, dan a no taki wi ben taki nomo, ma a ben abi furu krakti+ na unu tapu. Nanga a krakti fu santa yeye èn nanga tranga bribi+ wi ben preiki fu en. Unu sabi tu sortu sma wi ben tron gi a bun fu unu.+  Sobun, unu ben teki na eksempre+ fu wi èn fu Masra,+ bika srefi di furu pina ben e miti unu,+ unu teki a wortu fu Gado nanga a prisiri di a santa yeye kan gi.+  Na so unu kon de wan eksempre gi ala den bribiman na Masedonia nanga Akaya.  Te yu luku en bun, dan a no soso na Masedonia nanga Akaya unu fruteri sma a wortu fu Yehovah,+ ma na ala presi+ sma yere fa unu e bribi+ na ini Gado. Dati meki wi no abi fu taki noti moro,  bika den sma dati srefi e tan fruteri fa wi ben miti unu a fosi leisi èn fa unu drai kon na Gado. Un gowe libi den kruktugado+ fu unu, fu go dini wan tru+ èn libilibi+ Gado leki srafu 10  èn fu wakti+ Gado Manpikin di o komoto fu hemel+ èn di a ben gi wan opobaka.+ En na Yesus di o frulusu wi te a bigi atibron fu Gado kon.+

Futuwortu