Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

1 Samuel 31:1-13

31  Now den Filisteasma go feti nanga Israel.+ Ne den man fu Israel lowe gi den Filisteasma, ma den Filisteasma kiri+ furu fu den Israelsma na Gilbowa-bergi.+  Den Filisteasma tan lon na baka Saul nanga den manpikin fu en, teleki den doro krosibei fu den. Te fu kaba den kiri Yonatan,+ Abinadab,+ nanga Malkisuwa,+ den manpikin fu Saul.  A feti ben kon hebi gi Saul. Den man di ben e sutu nanga bo, tan sutu teleki wan peiri kisi en. Na so den gi en bigi mankeri.+  Dati meki Saul taigi en futuboi di ben e syow den fetisani fu en: „Teki yu feti-owru,+ dan yu dyuku mi kiri, bika mi no wani taki den man disi di no besnèi,+ kon pina mi èn dyuku mi kiri te fu kaba.” Ma Saul en futuboi no ben wani kiri en,+ fu di a ben frede srefisrefi. Ne Saul teki a feti-owru èn a trowe ensrefi na tapu.+  Di a futuboi si taki Saul dede,+ dan ensrefi teki en feti-owru, a trowe ensrefi na tapu èn a dede tu.+  Na so Saul, den dri manpikin fu en, nanga en futuboi di ben e syow den fetisani fu en, iya, ala den man fu en kon dede na a dei dati.+  Ne den Israelsma na ini a kontren fu a lagipresi èn na ini a kontren fu Yordan-liba kon si taki a legre fu Israel lowe èn taki Saul nanga den manpikin fu en dede. Dati meki den bigin lowe+ komoto na ini den foto. Baka dati den Filisteasma go tan na ini den foto dati.+  A tra dei di den Filisteasma kon teki den sani fu den sma di den kiri,+ den si den dedeskin fu Saul nanga den dri manpikin fu en na Gilbowa-bergi.+  Ne den koti en ede puru,+ den teki den fetisani fu en, dan den seni boskopu go na ala sei+ fu a kondre fu den Filisteasma. Den seni boskopu go na den oso fu den falsi gado+ fu den èn na a pipel, fu fruteri den san pasa. 10  Te fu kaba den poti den fetisani+ fu Saul na ini a tempel fu den Astoret-popki.+ Dan den fasi a dedeskin fu Saul na a skotu fu Bet-San.+ 11  Bakaten den sma na Yabes-Gilead+ kon yere san den Filisteasma du nanga Saul. 12  Wantewante ala den deki-ati man opo. Den waka heri neti teleki den doro na Bet-San. Ne den puru a dedeskin fu Saul nanga a di fu den manpikin fu en na a skotu fu a foto. Den tyari den go na Yabes, dan den bron den drape.+ 13  Baka dati den teki den bonyo+ fu den èn den beri+ den bonyo na ondro a tamarisk-bon+ na Yabes. Seibi dei langa+ den man no nyan noti, fu di den ben e row gi den.

Futuwortu