Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

1 Samuel 29:1-11

29  Ne den Filisteasma+ meki ala den man fu den difrenti srudatikampu kon makandra na Afek. Na a ten dati den Israelsma ben seti kampu na a watra-olo na Yisreyel.+  Den Filistea kownu di ben e wroko makandra,+ ben e waka na ini grupu fu wán hondro srudati èn na ini grupu fu wán dusun srudati. David nanga den man fu en ben e waka te na bakasei fu a legre, makandra nanga Akes.+  Ne den tiriman fu den Filisteasma taki: „San den Hebrewsma+ e du dya?” Akes piki den tiriman fu den Filisteasma: „Disi na David, a futuboi fu Kownu Saul fu Israel. A de nanga mi wán noso tu yari+ kaba. Sensi a dei di a lowe kon na mi teleki now, mi no si taki a du wan sani di no bun.”+  Ma den tiriman fu den Filisteasma ati kon bron nanga Akes. Den taigi en: „Seni a man gowe.+ Meki a drai go baka na a presi di yu ben gi en. No meki a go na feti nanga wi, noso a kan gens wi+ na ini a feti. Dyonsro a o kiri den srudati fu wi, fu kan plisi a masra fu en.  Na gi a David disi sma ben e dansi èn singi: ’Saul kiri dusundusun sma, ma David kiri someni tenti dusun sma.’”+  Dati meki Akes+ kari David kon èn a taigi en: „Neleki fa a de seiker taki Yehovah de na libi,+ na so a de seiker taki yu no e bedrigi sma. Mi breiti+ nanga a fasi fa yu e wroko makandra nanga mi+ na ini a legre. Sensi a dei di yu kon na mi teleki now,+ mi no si taki yu du wan sani di no bun. Ma den Filistea kownu di e wroko makandra+ no lobi yu.  Sobun, a moro betre yu gowe now, fosi yu du wan sani di o meki den tra tiriman fu den Filisteasma ati bron. Tan bun.”  Ma David taigi Akes: „Fu san ede mi musu gowe? San mi du?+ Sortu ogri yu feni taki yu futuboi du sensi a dei di mi kon na yu?+ Mi lespeki Kownu, sortu bigi ogri mi du, di yu no wani taki mi yepi yu fu feti nanga den feanti fu yu?”  Dan Akes piki David: „Mi sabi taki yu na wan bun sma. Yu de leki wan engel fu Gado.+ Ma na den tra tiriman fu den Filisteasma feni taki yu no musu go na feti nanga wi. 10  Sobun, yu nanga den futuboi fu yu masra di kon nanga yu, musu opo musudei mamanten. Un musu gowe fruku mamanten te son opo.”+ 11  Na so David nanga den man fu en opo fruku mamanten,+ dan den drai go baka na a kondre fu den Filisteasma. Ma den Filisteasma srefi hari go na Yisreyel.+

Futuwortu