Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

1 Kroniki 2:1-55

2  Disi ben de den manpikin fu Israel:+ Ruben,+ Simeon,+ Leifi,+ Yuda,+ Isaskar,+ Seibulon,+  Dan,+ Yosef,+ Benyamin,+ Naftali,+ Gad,+ nanga Aser.+  Den manpikin fu Yuda ben de Er,+ Onan,+ nanga Sela.+ A mama fu den dri man disi ben de wan uma fu Kanan. Na uma disi ben de wan umapikin fu Suwa. Ne Er, a fosi manpikin fu Yuda, du sani di Yehovah no feni bun. Dati meki Gado kiri Er.+  Yuda kisi pikin tu nanga Tamar,+ a wefi fu en manpikin. Den pikin disi ben de Peres+ nanga Sera. Ala nanga ala Yuda kisi feifi manpikin.  Den manpikin fu Peres ben de Hesron nanga Hamul.+  Den manpikin fu Sera+ ben de Simri, Etan, Heiman, Kalkol, nanga Dara.+ Ala nanga ala Sera kisi feifi manpikin.  Akar ben de a manpikin fu Karmi.+ Akar ben du wan sani di no fiti. A ben teki wan sani di ben musu kisi pori+ èn na so a meki taki ogri miti a pipel Israel.+  Asaria ben de a manpikin fu Etan.+  Hesron+ kisi manpikin. Den ben de Yerameyel,+ Ram,+ nanga Kelubai. 10  Ram tron a papa fu Aminadab.+ Aminadab tron a papa fu Naheson,+ di ben de wan edeman fu a lo fu Yuda. 11  Naheson tron a papa fu Salma.+ Bakaten Salma tron a papa fu Boas.+ 12  Boas tron a papa fu Obed.+ Obed tron a papa fu Isai.+ 13  Isai tron a papa fu Eliab,+ di ben de en fosi manpikin. A di fu tu manpikin fu en ben de Abinadab,+ a di fu dri manpikin Simeya,+ 14  a di fu fo manpikin Netaneyel, a di fu feifi manpikin Radai, 15  a di fu siksi manpikin Osem èn a di fu seibi manpikin David.+ 16  Den sisa fu den man disi ben de Seruya nanga Abigayil.+ Den manpikin fu Seruya ben de Abisai,+ Yoab,+ nanga Asael.+ Ala nanga ala Seruya kisi dri manpikin. 17  Abigayil kisi Amasa.+ A papa fu Amasa ben de Yeiter,+ wan bakapikin fu Ismael. 18  Kaleb, a manpikin fu Hesron,+ ben kisi pikin nanga Asuba èn nanga Yeriot. Den manpikin di a kisi nanga en ben de: Yeiser, Sobab, nanga Ardon. 19  Te fu kaba Asuba dede. Ne Kaleb teki Efrat+ leki wefi. Baka wan pisi ten na uma disi kisi wan manpikin di den kari Hur.+ 20  Bakaten Hur tron a papa fu Uri.+ Dan Uri tron a papa fu Besaleyel.+ 21  Baka wan pisi ten Hesron go didon nanga na umapikin fu Makir.+ Makir ben de a papa fu Gilead.+ Di Hesron teki na uma disi, Hesron srefi ben abi siksitenti yari kaba. Toku na uma meki wan pikin gi en di den kari Seigub. 22  Seigub tron a papa fu Yahir,+ di ben kon abi tutenti na dri foto+ na ini a kondre Gilead. 23  (Bakaten den sma fu Geisur+ nanga Siria+ teki a foto Hafot-Yahir+ puru na a anu fu den sma di e libi drape. Boiti dati, den teki a foto Keinat,+ nanga den dorpu abra di ben de krosibei fu a foto dati. Ala nanga ala dati ben de siksitenti foto.) Ala den man dati ben de manpikin nanga bakapikin fu Makir, a papa fu Gilead. 24  Baka di Hesron+ dede na Kaleb-Efrata, Hesron en wefi Abia kisi Asyur, a papa fu Tekowa.+ 25  Yerameyel+ ben de a fosi manpikin fu Hesron. A fosi manpikin fu Yerameyel ben de Ram.+ Boiti dati, Yerameyel kisi Buna, Oren, Osem, nanga Ahia. 26  Baka dati Yerameyel teki ete wan wefi. Na uma dati ben nen Atara. En ben de a mama fu Onam. 27  Ram,+ a fosi manpikin fu Yerameyel, tron a papa fu Mas, Yamin, nanga Eker. 28  Den manpikin fu Onam+ ben de Samai nanga Yada. Den manpikin fu Samai ben de Nadab nanga Abisur. 29  A nen fu a wefi fu Abisur ben de Abihayil. Bakaten Abihayil nanga Abisur kisi Akban nanga Molid. 30  Den manpikin fu Nadab+ ben de Seiled nanga Apaim. Ma Seiled dede sondro fu kisi pikin. 31  Yisei ben de a manpikin fu Apaim. A manpikin fu Yisei ben de Sesan.+ A manpikin fu Sesan ben de Aklai. 32  Den manpikin fu Yada, a brada fu Samai, ben de Yeiter nanga Yonatan. Ma Yeiter dede fosi a kisi pikin. 33  Den manpikin fu Yonatan ben de Pelet nanga Sasa. Ala den man disi ben de bakapikin fu Yerameyel. 34  Sesan+ no ben kisi manpikin. A kisi soso umapikin. Now Sesan ben abi wan futuboi di nen Yarha. A futuboi disi ben de fu Egepte.+ 35  Sobun, Sesan meki wan fu den umapikin fu en trow nanga Yarha. Bakaten Yarha nanga en wefi kisi Atai. 36  Atai tron a papa fu Natan. Natan tron a papa fu Sabad.+ 37  Sabad tron a papa fu Eflal. Eflal tron a papa fu Obed. 38  Obed tron a papa fu Yehu. Yehu tron a papa fu Asaria. 39  Asaria tron a papa fu Heiles. Heiles tron a papa fu Elasa. 40  Elasa tron a papa fu Sismai. Sismai tron a papa fu Salum. 41  Salum tron a papa fu Yekamia. Yekamia tron a papa fu Elisama. 42  A fosi manpikin fu Kaleb,+ a brada fu Yerameyel, ben de Meisa. Meisa ben de a papa fu Sif. Boiti dati, yu ben abi den manpikin fu Maresa, a papa fu Hebron. 43  Den manpikin fu Hebron ben de Korak, Tapuwa, Reikem, nanga Sema. 44  Sema tron a papa fu Raham di ben de a papa fu Yorkeyam. Reikem tron a papa fu Samai. 45  A manpikin fu Samai ben de Mayon. Mayon ben de a papa fu Bet-Sur.+ 46  Efa, wan tra wefi fu Kaleb, ben kisi Haran, Mosa, nanga Gases. Haran tron a papa fu Gases. 47  Den manpikin fu Yadai ben de Reigem, Yotam, Geisan, Pelet, Efa, nanga Saf. 48  Maka, wan tra wefi fu Kaleb, ben kisi Seiber nanga Tirhana. 49  Bakaten a kisi Saf, a papa fu Madmana.+ Boiti dati a kisi Seifa, a papa fu Makbena nanga Gibeya.+ Na umapikin fu Kaleb+ ben de Aksa.+ 50  Ala den man disi ben de pikin nanga bakapikin fu Kaleb. Hur+ ben de a fosi manpikin fu Efrata.+ Den manpikin fu Hur ben de Sobal,+ di ben seti Kiriat-Yarim,*+ 51  Salma, di ben seti Betlehem,+ nanga Haref, di ben seti Bet-Gader. 52  Sobal, di ben seti Kiriat-Yarim, ben kisi wan manpikin di ben nen Harowe. Afu fu den Menukotsma ben de bakapikin fu Sobal+ tu. 53  Den famiri di ben e libi na Kiriat-Yarim ben de den Yeitersma,+ den Putsma, den Sumatsma, nanga den Misrayietsma. Den Sorasma+ nanga den Estawolsma+ ben de bakapikin fu den sma disi. 54  Den bakapikin fu Salma ben de sma di ben e libi na Betlehem,+ Netofa,+ nanga Atrot-Bet-Yoab. Afu fu den sma di ben e libi na Manahat nanga den sma di ben e libi na Sora, ben de bakapikin fu Salma tu. 55  Den famiri fu den skrifiman di ben e libi na Yabes+ ben de den Tiratsma, den Simeyasma, nanga den Sukatsma. Den sma disi ben de Kenietsma.+ Den ben de bakapikin fu Hamat, a papa fu na osofamiri fu Rekab.+

Futuwortu

Noso: „a papa fu den sma fu Kiriat-Yarim.”