Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

1 Kownu 15:1-34

15  Na ini a di fu tina-aiti yari di Kownu Yerobeyam,+ a manpikin fu Nebat,+ ben e tiri, Abiam tron kownu fu Yuda.+  Abiam tiri na ini Yerusalem dri yari langa. A mama fu en ben de Maka,+ a granpikin fu Abisalom.+  Abiam du ala den sondu di en papa du di a ben de na libi. Abiam no ben dini Yehovah en Gado nanga en heri ati.+ Sobun, a no ben de leki en afo David,+ di ben e dini Gado nanga en heri ati.  Yehovah, a Gado fu Abiam, prakseri David+ èn na fu dati ede a gi en wan lampu* di ben o gi leti na ini Yerusalem. Sobun, Gado meki a kisi wan manpikin+ èn a sorgu taki noti no pasa nanga Yerusalem.+  Yehovah prakseri David, fu di ala ten a du sani di Gado feni bun. En heri libi langa+ a du san Gado taigi en, boiti di a du ogri nanga Uria, wan bakapikin fu Hèt.+  Solanga Rehabeyam ben e tiri leki kownu, en nanga Yerobeyam feti nanga makandra.+  Ala tra sani di abi fu du nanga Abiam èn ala sani di a du, skrifi na ini a buku+ di e taki fu den tori fu den kownu fu Yuda. Boiti dati, Abiam nanga Yerobeyam ben gwenti feti nanga makandra.+  Te fu kaba Abiam go rostu neleki den afo fu en èn den beri en na ini a Foto fu David.+ Dan en manpikin Asa+ bigin tiri leki kownu.  Na ini a di fu tutenti yari di Yerobeyam ben de kownu fu Israel, Asa tron kownu fu Yuda. 10  A tiri na ini Yerusalem fotenti na wán yari langa. En granmama ben de Maka,+ a granpikin fu Abisalom.+ 11  Asa du ala sani di Yehovah feni bun, neleki en afo David.+ 12  Dati meki a puru ala den man na ini a kondre+ di ben teki en leki wroko fu abi seks nanga trawan na ini a tempel. A puru ala den fisti gado+ tu di den afo fu en ben meki.+ 13  Asa puru srefi en granmama Maka+ leki umakownu,+ fu di a ben meki wan tegu popki. Na uma disi meki a popki fu anbegi a santa postu. Baka dati Asa koti a tegu gado fu Maka trowe,+ dan a bron+ a gado dati na Kidron-lagipresi.+ 14  Ma Asa no broko den hei presi puru+ pe sma ben e anbegi falsi gado. Toku Asa dini Yehovah nanga en heri ati, en heri libi langa.+ 15  A teki a solfru, a gowtu, nanga ala sortu sani di en nanga en papa ben meki kon santa, dan a tyari den go na ini na oso fu Yehovah.+ 16  A heri pisi ten di Asa nanga Kownu Bayesa+ fu Israel ben e tiri leki kownu, den feti nanga makandra. 17  Na so a du kon taki Kownu Bayesa fu Israel go feti nanga Yuda. A bow bigi skotu gi a foto Rama,+ so taki nowan sma ben kan go noso komoto na Kownu Asa fu Yuda.+ 18  Baka dati Asa teki ala a solfru nanga a gowtu di ben tan abra fu den gudu na ini na oso fu Yehovah èn na ini na oso fu Kownu. Dan a gi den sani disi na den futuboi fu en fu tyari den go na Kownu Ben-Hadad,+ a manpikin fu Tabrimon. Tabrimon ben de a manpikin fu Kownu Hesion fu Siria+ di ben e libi na Damaskus.+ Dan Asa seni taigi Ben-Hadad: 19  „Mi nanga yu meki wan frubontu, neleki fa mi papa nanga yu papa ben meki wan frubontu. Luku, leki presenti+ mi e seni solfru nanga gowtu gi yu. Mi e begi yu, broko a frubontu di yu meki nanga Kownu Bayesa fu Israel, so taki a no feti nanga mi moro.”+ 20  Sobun, Ben-Hadad du san Kownu Asa aksi en fu du. A seni den legre-edeman fu en fu go feti nanga den foto fu Israel. A teki den foto Iyon,+ Dan,+ Abel-Bet-Maka,+ nanga a heri foto Kineret abra, sosrefi a heri kontren fu Naftali.+ 21  Di Bayesa yere san pasa, dan wantewante a libi den bigi skotu fu Rama.+ A no bow den go doro. Ne a go tan na Tirsa.+ 22  Baka dati Kownu Asa seni kari ala den sma fu Yuda.+ Ibri sma ben musu kon. Den ben musu go na Rama fu tyari den ston nanga den postu gowe di ben de drape. Na den srefi ston nanga postu disi Bayesa ben gebroiki fu bow den skotu, ma now Kownu Asa teki den fu bow a foto Geiba+ di ben de na ini a kontren fu Benyamin, èn fu bow a foto Mispa.+ 23  Ala tra sani di abi fu du nanga Asa, a heri fasi fa a sori a makti fu en, ala den sani di a du, èn ala den tori fu den foto di a bow, skrifi na ini a buku+ di e taki fu den tori fu den kownu fu Yuda. Ma di Asa kon owru,+ a kon siki na en futu.+ 24  Te fu kaba Asa go rostu neleki den afo fu en èn den beri en na a beripe fu den afo fu en+ na ini a Foto fu David, di ben de wan afo fu en.+ Ne en manpikin Yosafat+ bigin tiri leki kownu. 25  Na ini a di fu tu yari di Asa ben de kownu fu Yuda, Nadab,+ a manpikin fu Yerobeyam, tron kownu fu Israel. Nadab tiri Israel tu yari langa. 26  Nadab tan du sani di Yehovah no feni bun.+ Den srefi sani di en papa du, na dati a du tu.+ Den sondu fu en, meki taki Israel go du sondu+ tu. 27  Ne Bayesa,+ a manpikin fu Ahia, wan man fu a lo fu Isaskar, span anu makandra nanga trawan fu kon feti nanga Nadab. Bayesa kiri Nadab na Gibeton,+ wan foto fu den Filisteasma, na a ten di Nadab nanga ala den Israelsma ben e lontu Gibeton fu kon feti nanga den. 28  Na so Bayesa kiri Nadab na ini a di fu dri yari di Asa ben de kownu fu Yuda. Dan Bayesa bigin tiri leki kownu.+ 29  Di Bayesa tron kownu, a kiri a heri famiri fu Yerobeyam. A kiri den sma fu Yerobeyam, teleki nowan fu den ben de moro. Soleki fa Yehovah ben taigi en futuboi Ahia, a man fu Silo,+ na so a pasa, 30  fu di Yerobeyam ben du sondu èn fu di a meki taki Israel go du sondu+ tu. Den sani di a du meki taki Yehovah, a Gado fu Israel, ati bron nanga den Israelsma.+ 31  Ala tra sani di abi fu du nanga Nadab èn ala san a du, skrifi na ini a buku+ di e taki fu den tori fu den kownu fu Israel. 32  A heri pisi ten di Asa nanga Kownu Bayesa fu Israel ben e tiri leki kownu, den feti nanga makandra.+ 33  Na ini a di fu dri yari di Asa ben de kownu fu Yuda, Bayesa, a manpikin fu Ahia, tron kownu fu heri Israel. A tiri Israel tutenti na fo yari+ langa. Na a ten dati a ben e libi na ini a foto Tirsa. 34  Bayesa tan du sani di Yehovah no feni bun.+ Den srefi sani di Yerobeyam+ du, na dati Bayesa du tu. Den sondu fu en, meki taki Israel go du sondu+ tu.

Futuwortu

Luku a marki na 1Kw 11:36.