Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

1 Korentesma 16:1-24

16  Now mi wani taki fu a moni di unu e piki+ gi den santawan.+ Unu kan du soleki fa mi ben taigi den gemeente na Galasia+ fu du.  Ibri fosi dei fu a wiki, ibriwan fu unu musu poti san a man na wan sei, so taki moni no abi fu piki te mi doro.  Un musu skrifi mi sortu man de fu frutrow,+ dan te mi doro drape mi o seni den man dati go na Yerusalem fu tyari a moni disi di unu gi nanga un heri ati.  Ma efu a de fanowdu taki misrefi musu go drape, dan den sa go drape nanga mi.  Te mi pasa na ini Masedonia, mi o kon na unu, bika mi o pasa na ini Masedonia.+  Kande mi o tan nanga unu, noso a kan srefi taki mi o tan a heri kowru ten fu a yari nanga unu. Baka dati unu kan tyari+ mi afupasi pe mi o go.  Bika a no te mi o pasa nomo mi wani miti unu, ma mi wani tan wan pisi ten nanga unu,+ efu Yehovah+ wani.+  Mi o tan na Efeise+ teleki a Pinksterfesa.  Bika mi kisi wan moi okasi fu du furu wroko,+ ma furu sma e gens mi. 10  Ma te Timoteyus+ kon na unu, un musu sorgu taki a no abi broko-ede te a de na un mindri, bika a e du a wroko fu Yehovah+ neleki mi. 11  Fu dati ede, no meki nowan sma wisiwasi en.+ Un musu tyari en afupasi èn sorgu taki noti no pasa nanga en. Dan a musu kon na mi, bika mi nanga den brada e wakti en. 12  Now mi wani taki fu wi brada Apolos.+ Furu leisi mi begi en fu kon na unu makandra nanga den brada, ma a no ben prakseri fu kon now. A o kon te a feni na okasi. 13  Tan na ai,+ tanapu kánkan na ini a bribi,+ tyari unsrefi leki mansma,+ èn kon tranga.+ 14  Ala sani di unu e du, un musu du nanga lobi.+ 15  Unu sabi taki na osofamiri fu Stefanas na den fosi sma+ fu Akaya di kon na ini a bribi èn taki den du ala muiti fu yepi den santawan.+ Fu dati ede brada, mi wani gi unu a rai disi: 16  Meki a de so, taki unu e tan saka unsrefi na ondro den sortu sma dati tu èn na ondro ibri sma di e wroko tranga makandra nanga unu.+ 17  Ma mi breiti taki Stefanas,+ Fortunatus nanga Akaikus de dyaso, bika den gi wi a yepi di unu ben o gi wi efu unu ben de dyaso. 18  Bika den gi mi nanga unu krakti baka.+ Fu dati ede un musu lespeki den sortu sma disi.+ 19  Den gemeente fu Asia e seni taki unu odi.+ Akwila nanga Preska, èn a gemeente di e kon makandra na ini na oso fu den,+ e seni wan switi odi gi unu leki bakaman fu Masra. 20  Ala den brada e seni taki unu odi. Gi makandra odi nanga wan bosi.+ 21  Mi, Paulus, e seni taki unu odi tu. Na misrefi skrifi unu.+ 22  Efu wan sma no lobi Masra, dan meki fluku kon na tapu a sma dati.+ Grantangi, kon, wi Masra!+ 23  Meki wi Masra Yesus sori unu bun-ati. 24  Mi lobi un alamala di de wán nanga Krestes Yesus.

Futuwortu