Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

1 Korentesma 11:1-34

11  Teki na eksempre fu mi, neleki fa mi e teki na eksempre fu Krestes.+  Mi e prèise unu fu di unu e prakseri mi ala ten èn unu e tan du sani soleki fa mi leri unu.+  Ma mi wani fu unu sabi taki Krestes na a ede fu ibri man.+ A man na a ede fu na uma,+ èn Gado na a ede fu Krestes.+  Ibri man di abi wan sani na tapu en ede te a e begi noso te a e taki profeititori, e tyari syen kon na tapu en ede.+  Ma ibri uma di no abi wan sani na tapu en ede te a e begi noso te a e taki profeititori,+ e tyari syen kon na tapu en ede,+ bika a de a srefi leki te a ben o de wan uma di piri en ede.+  Efu wan uma no e poti wan sani na tapu en ede, dan meki a koti en wiwiri syatu tu. Ma efu a de wan syen sani taki wan uma e koti en wiwiri syatu noso taki a e piri en ede,+ dan meki a poti wan sani na tapu en ede.+  Wan man no musu poti wan sani na tapu en ede, bika a de leki fa Gado de+ èn a e gi Gado glori.+ Ma na uma e gi a man glori.+  Bika a man no komopo fu na uma, ma na uma komopo fu a man.+  Boiti dati, Gado no meki a man gi na uma, ma a meki na uma gi a man.+ 10  Na fu a sani dati ede èn fu den engel ede,+ meki na uma musu poti wan sani na tapu en ede fu sori taki a e saka ensrefi na a man ondro.+ 11  Boiti dati, gi den bakaman fu Masra a de so, taki na uma no man de sondro a man èn a man no man de sondro na uma.+ 12  Bika soleki fa na uma komopo fu a man,+ na so a de tu taki a man komopo fu na uma.+ Ma ala sani komopo fu Gado.+ 13  San unu e denki: A fiti te wan uma e begi Gado sondro fu poti wan sani na tapu en ede? 14  Te unu e luku a fasi fa libisma meki, unu no e si taki a de wan syen gi wan man te a abi langa wiwiri? 15  Ma wan uma e kisi grani te a abi langa wiwiri,+ a no so? Bika a kisi ede-wiwiri so taki a no abi fu poti wan sani na tapu en ede.+ 16  Ma efu wan sma e krutukrutu+ taki a sani disi musu de tra fasi,+ we, wi no gwenti tra fasi èn den gemeente fu Gado no gwenti tra fasi tu. 17  A no fu prèise unu meki mi e taigi unu den sani disi, bika unu no e kon makandra fu du bun, ma fu du ogri.+ 18  Mi yere taki te unu e kon makandra na ini wan gemeente, dan pratifasi de na un mindri+ èn mi kan bribi a tori dati. 19  Bika sma na un mindri o kon nanga falsi leri.+ Dan unu o si suma na un mindri na sma di Gado feni bun.+ 20  Dati meki te unu e kon makandra na wan presi, unu no man nyan a neti-nyanyan fu Masra+ na wan fasi di fiti. 21  Bika fosi unu nyan a neti-nyanyan, unu e nyan un eigi nyanyan. Dati meki sonwan de nanga angri èn a trawan drungu. 22  Unu no abi oso pe unu kan nyan èn dringi?+ Noso a de so taki unu e wisiwasi a gemeente fu Gado èn taki unu e meki den wan di no abi noti+ firi syen? San mi sa taigi unu? Mi sa prèise unu? Mi no e prèise unu gi a sani disi. 23  Bika a sani di mi kisi fu Masra, na dati mi e leri unu tu: Na a neti+ di den ben o tori Masra Yesus, a teki wan brede, 24  èn baka di a taki Gado tangi, a broko a brede+ èn a taki: „Disi wani taki mi skin+ di mi o gi, so taki unu kan feni bun. Tan du disi fu memre+ mi.” 25  Baka di a nyan a neti-nyanyan, a teki a kan+ tu èn a taki: „A kan disi wani taki a nyun frubontu+ di o seti te mi gi mi brudu.+ Un musu tan du disi èn ibri leisi te unu e dringi fu a kan, un musu memre+ mi.” 26  Bika ibri leisi+ te unu e nyan a brede disi èn e dringi fu a kan disi, unu e meki sma sabi fu a dede+ fu Masra, teleki a doro.+ 27  Fu dati ede, te wan sma e nyan a brede noso e dringi fu a kan fu Masra aladi a no warti fu du dati, dan a sma dati du wan ogri+ fu di a no sori lespeki gi a skin èn gi a brudu+ fu Masra. 28  Wan sma musu ondrosuku ensrefi bun fu si efu a warti,+ dan fosi a kan nyan a brede èn dringi fu a kan. 29  Bika a sma di e nyan èn e dringi sondro fu frustan san a skin wani taki, sa meki taki ensrefi kisi krutu.+ 30  Dati meki furu fu unu swaki èn siki, èn furu fu unu dede.+ 31  Ma efu wi ben o ondrosuku wisrefi, dan wi no ben o kisi krutu.+ 32  Ma te Yehovah e krutu wi,+ dan a e gi wi leri,+ so taki wi no sa kisi strafu+ makandra nanga grontapu.+ 33  Fu dati ede, mi brada, te unu e kon makandra fu nyan a nyanyan disi,+ dan un musu wakti makandra. 34  Efu angri e kiri wan sma, dan meki a nyan na oso,+ so taki unu no e kon makandra fu kisi krutu.+ Den tra sani mi o seti te mi doro drape.

Futuwortu