DI HEI WAKITIMAWOSU (U LEI SONI A KOMAKANDI) piki-deewei-liba 2018

Di Hei Wakitimawosu aki abi dee woto dee woo luku a 4 u höndima-liba te go miti 8 u baimatu-liba 2018.

Di pasi di ta mbei u ko fii tuutuu

So sëmbë ta biinga u de kumutu a di sitaafu di wotowan ta sitaafu de, so sëmbë an kë u wotowan buuse de möön u di de dë u wan woto nasiön, söseei de an kë tja pena möön. Wotowan ta kë taki hiniwan soni di de kë söndö u sëmbë tapa de, de ta kë du hiniwan soni di de kë. U sa ko dë fiifii tuutuu ö?

Dini Jehovah, di Gadu di ta mbei sëmbë ko fii

Unfa di jeje u Jehovah mbei u ko fii? Andi sa heepi u fu wa wooko a wan föutu fasi ku di taki di u sa taki da useei andi u kë du?

Djeesi Jehovah, di Gadu di ta da sëmbë taanga

Hii juu dee sëmbë u Jehovah ta abi kötöhati fanöudu.

Un da unuseei taanga, möönmöön a di ten aki

U di di daka u Jehovah dë zuntu, mbei u musu ta buta pakisei a dee baaa ku dee sisa fuu, sö taa u sa ta da de taanga te de abi ën fanöudu.

Un dee njönkuwan, un ta buta maaka da unuseei a di dini u Gadu ö?

So juu soni ta hia di njönkuwan ta kë du nasö di de sa du, nöö di soni aki sa mbei de buuja seei. Andi de sa du u soni waka bunu da de a di ten di ta ko?