DI HEI WAKITIMAWOSU (U LEI SONI A KOMAKANDI) jailiba 2019
Di Hei Wakitimawosu aki abi dee woto dee woo luku a 4 u gaanliba te go miti 7 u piki-deewei-liba 2019
„Na fëëë, biga mi da di Gadu fii”
Buta pakisei a dii soni di sa mbei taa ja ta fëëë hii fa fuka ta miti i.
Gafa Jehovah a di kemeente
A ta taanga da i fii da piki a komakandi ö? Di woto aki o heepi i fii ko sabi andi ta mbei i ta fëëë u da piki, söseei a o heepi i fii ko sabi andi i musu du fu ja ta fëëë sö möön.
Unfa i sa tjubi di hati fii?
Unfa Saatan ta mbei möiti u poi di hati fuu, nöö andi u sa du fuu tjubi di hati fuu?
Wan komakandi di ta lei u soni u wan Könu di dë a liba ala
Andi di mëni di u ta mëni di dëdë u Jesosi, ta lei u u di sakafasi fëën, u di degihati di a abi, söseei u di lobi di a lobi sëmbë gaanfa?
Un pei sëmbë u ta lei taa u dë te u nango a dee komakandi?
Unfa di lobi di u lobi wotowan, ku di sakafasi ku di degihati di u abi, nama ku di go di u musu go a dee komakandi?
Wan njunjun baaa u di Tii Kulupu
Ko sabi soni u Baaa Kenneth Cook, Jr.
