Skip to content

Skip to table of contents

 DI LIBI FUU KUMA KEESITU SËMBË

Unfa u sa du di diniwooko fuu möön bunu​—Suku u da woto ku wan sëmbë fii sa peleiki dëën te u kaba fëën

Unfa u sa du di diniwooko fuu möön bunu​—Suku u da woto ku wan sëmbë fii sa peleiki dëën te u kaba fëën

Jesosi bi peleiki da wan Samalia mujëë, u di a bi bigi da woto ku ën. Andi u sa du fuu sa bigi fan ku wan sëmbë di wa sabi?

  • I musu abi sutifasi, nöö ta fan ku sëmbë. Hii fa Jesosi bi wei, tökuseei a bi bigi fan ku wan mujëë u di a bi hakisi ën wata u bebe. I sa bigi fan ku wan sëmbë te i dëën odi, nöö kandë i sa taki wan soni u di wei nasö u wan woto soni di pasa. Hoi a pakisei taa fan i kë fan ku di sëmbë. Fëën mbei i musu taki wan soni di o hai ën pakisei. Ee an piki, antoobi. Poobëën baka a wan woto sëmbë. Hakisi Jehovah faa dai degihati.​—Ne 2:4; Tja 4:29.

  • Suku okasi fii sa konda di bunu buka da wan sëmbë, ma na biinga poi. Fan kuma te i bi o da woto ku wan sëmbë. Ee i ta fan kuma i ta duwengi di sëmbë, nöö a kan taa an o kë haika i möön. Ja musu fii bookosaka ee ja feni di okasi u peleiki da di sëmbë. Ee a ta taanga da i u konda di bunu buka da wan sëmbë, nöö ta pooba u fan ku sëmbë söndö u peleiki da de. [Pëë di fosu fëlön, nöö taki fëën.]

  • Taki wan soni u di biibi fii, di sa mbei a kë sabi möön soni, nöö a sö wan fasi i sa feni di okasi u peleiki dëën. Jesosi bi taki wan soni di bi mbei di mujëë bi kë sabi möön soni. Di a bi bigi konda soni u di bunu buka dëën, nöö piki a bi ta piki dee soni di di mujëë bi ta hakisi ën. [Pëë di u 2 fëlön, nöö taki fëën. Baka di dë, pëë di u 3 fëlön, nöö taki fëën tu.]