Skip to content

Skip to secondary menu

Skip to table of contents

Jehovah Kotoigi

Saamakatöngö

Di libi ku di diniwooko fuu kuma Keesitu sëmbë—Komakandi-buku  |  wajamaka-liba 2017

 DI LIBI FUU KUMA KEESITU SËMBË

Faandi mbei i ta tei di tuutuu biibi u bigi?

Faandi mbei i ta tei di tuutuu biibi u bigi?

Dee Dju dee bi kumutu a katibo a Babilon bi feni degihati a di wojolimbo sunjan u Ezekiëli di nama ku Wosu u Gadu, u di a bi ta lei de taa di tuutuu biibi bi o toona seti baka. A dee lasiti daka aki, di tuutuu biibi „hei pasa dee woto kuun hedi”, nöö useei dë a hii dee peipei nasiön sëmbë dendu dee hai go a di kuun dë (Jes 2:2). I ta pakisei fundu u di gaandi di i abi u ta dini Jehovah u?

DEE WINI DI DI TUUTUU BIIBI TA MBEI U FENI:

  • Te a hia lei di ta heepi u fuu feni dee piki u dee möön fanöudu hakisi u di libi, wëti di ta heepi u fuu sa tja useei a wan bunu fasi, söseei u ko dë seiki taa soni o waka bunu a di ten di ta ko.​—Jes 48:17, 18; 65:13; Lo 15:4

  • A hii së u goonliba u abi baaa ku sisa di lobi de na de.​—Ps 133:1; Jo 13:35

  • Di gaandi di u abi u wooko makandi ku Gadu, ta mbei u ta piizii.​—Tja 20:35; 1Ko 3:9

  • „Di kötöhati u Gadu” di ta heepi u te soni ta taanga da u.​—Fp 4:6, 7

  • Wan háti di an ta toobi u möön.​—2Ti 1:3

  • U ku Jehovah „o dë gaan mati”.​—Ps 25:14

Na un fasi mi sa lei taa mi ta tei di tuutuu biibi u bigi?