Skip to content

Skip to table of contents

 DEE GUDU DEE DË A DI WÖUTU U GADU | PSALÖM 119

„Du andi di Wëti u Jehovah ta taki”

„Du andi di Wëti u Jehovah ta taki”

Du andi di Wëti u Jehovah ta taki, kë taki taa u musu ta saka useei a di tii fëën basu. Di Bëibel ta taki soni u sömëni sëmbë dee bi dë kuma di psalöm sikifima. De bi ta du andi di wëti u Jehovah ta taki, söseei dee bi ta futoou Jehovah. Nöö u sa djeesi dee sëmbë dë.

Te u ta du andi di wëti u Gadu ta taki ufö u ta dë waiwai tuutuu

119:1-8

Josua bi lei taa a bi ta futoou Jehovah ku hii hën hati. A bi sabi taa ee a bi kë dë waiwai, söseei ee a bi kë u soni waka bunu dëën, nöö a bi musu ta futoou Jehovah ku hii hën hati

Di Wöutu u Gadu ta da u di degihati di u abi fanöudu fuu sa hoi dou te tesi ta miti u

119:33-40

Jelemia bi lei taa a bi abi degihati, söseei taa a bi ta futoou Jehovah hii fa soni bi ta taanga dëën. An bi kule a gudu baka, ma a bi du di wooko di Jehovah bi dëën faa du

Te u sabi di Wöutu u Gadu finifini, nöö wa o ta fëëë u peleiki da sëmbë

119:41-48

Paulosu an bi ta fëëë u konda di bunu buka u Gadu da hii sëmbë. A bi dë seiki taa Jehovah bi o heepi ën di a bi tei degihati peleiki da Gaama Felikisi

Na un ten mi sa möön lei taa mi ta futoou Jehovah te mi ta peleiki da sëmbë?

  • A siköö

  • A wooko

  • Te mi dë ku dee sëmbë u mi

  • A wan woto kamian