Skip to content

Skip to table of contents

 DI LIBI FUU KUMA KEESITU SËMBË

Unfa u sa du di diniwooko fuu möön bunu​—Heepi „dee sëmbë dee a kai da” u ko toon bakama u Jesosi

Unfa u sa du di diniwooko fuu möön bunu​—Heepi „dee sëmbë dee a kai da” u ko toon bakama u Jesosi

FAANDI MBEI A DË FANÖUDU: Jehovah ta mbei di sii u di tuutuu lei göö a di hati u „dee sëmbë dee a kai da u de feni di libi u teego” (Tja 13:48; 1Ko 3:7). U ta wooko makandi ku Jehovah, te u ta buta hii u pakisei a dee sëmbë dee ta du dee soni dee u ta lei de, te u dë a di peleikiwooko (1Ko 9:26). Dee sëmbë dee u ta lei soni u Bëibel, musu ko fusutan taa a dë fanöudu taa wan sëmbë musu dopu ee a kë feni di libi u teego (1Pe 3:21). U ta heepi de u de tooka soni a de libi, u de ta peleiki, u de ta lei wotowan soni u Bëibel, söseei u de buta de libi a Jehovah maun, sö taa de sa ko toon bakama u Jesosi.​—Mt 28:19, 20.

FA U MUSU DU ËN:

  • Heepi dee studie fii u de ko fusutan taa di lei di i ta lei de soni u Bëibel, hën da u de „ko sabi” Jehovah, söseei u de libi kumafa a kë.​—Jo 17:3

  • Heepi de u de ko abi wan taanga biibi, u de sa sabi andi de musu du te de abi wan bookohedi. Dee bookohedi aki sa dë wan taku guwenti di de abi, nasö ambë de musu tei kuma mati

  • Heepi de u de ko abi wan taanga biibi, söseei da de degihati ufö de tei dopu, söseei baka te de tei dopu.​—Tja 14:22

LUKU DI FËLÖN JEHOVAH GADU O HEEPI I, BAKA DI DË, NÖÖ PIKI DEE HAKISI AKI:

  • Andi sa mbei wan sëmbë ta fëëë u buta hën libi a Gadu maun nöö a tei dopu?

  • Unfa dee gaanwomi sa heepi dee sëmbë dee ta lei soni u Bëibel u de go a fesi a di biibi?

  • Andi Jesaaja 41:10 ta lei u u Jehovah?

  • Un fasi o heepi u fuu sa dini Jehovah a di fasi di a feni bunu, hii fa u da zöndu libisëmbë?

Unfa u ta wooko makandi ku Jehovah u mbei sëmbë ko toon bakama u Jesosi?