Jehovah seti di tööu libi u wan womi ku wan mujëë musu libi u teego ku deseei (Ke 2:22-24). Di wan kodo soni di sa mbei wan womi ku wan mujëë booko tööu, hën da ee wan u de waka da di wotowan (Mal 2:16; Mt 19:9). U di Jehovah kë u sëmbë di tööu ta dë waiwai, mbei a buta mama wëti di sa heepi Keesitu sëmbë u de sabi ku ambë de musu tööu, sö taa de sa abi wan piizii tööu libi.​—Pel 5:4-6.

LUKU DI FËLÖN ANDI DA TUUTUU LOBI?, NÖÖ PIKI DEE HAKISI A BASU AKI:

  • Faandi mbei di soni di Lis mama ku ën tata bi piki ën, bi dë wan köni lai di de bi dëën, söseei di bi ta lei taa de lobi ën?

  • Faandi mbei a dë wan don soni u pakisei taa i sa tooka di sëmbë di i ta lei sabi fii ku ën sa tööu?

  • Un köni lai Paul ku Maana bi da Lis?

  • Faandi mbei Zëk ku Mëgi bi abi bookohedi a di tööu libi u de?

  • Un maaka Djön ku Lis bi abi a di dini u Jehovah?

  • Faandi mbei i musu ko sabi unfa wan sëmbë dë tuutuu ufö i tööu ku ën? (1Pe 3:4)

  • Andi da tuutuu lobi? (1Ko 13:4-8)