Skip to content

Skip to table of contents

 DI LIBI FUU KUMA KEESITU SËMBË

Unfa u sa du di diniwooko fuu möön bunu​—Peleiki da hiniwan sëmbë a di pisiwata fii

Unfa u sa du di diniwooko fuu möön bunu​—Peleiki da hiniwan sëmbë a di pisiwata fii

FAANDI MBEI A DË FANÖUDU: Di tjabukama Sakalia bi taki a fesi taa sëmbë di kumutu a hii dee peipei nasiön di ta fan peipei töngö bi o kë haika di bunu buka (Sak 8:23). Ma ambë o lei de soni? (Lo 10:13-15) U abi di gaandi ku di faantiwöutu u paaja di bunu buka da hii sëmbë a di pisiwata fuu.​—od-SR bld. 84 pal. 10, 11.

UNFA U MUSU DU ËN:

  • Seeka iseei. I ta miti sëmbë di ta fan wan woto töngö u? I sa wooko ku di JW Language app fii sa peleiki da de a di töngö u de. Nasö i sa wooko ku di tëlëfön fii nasö di tablet fii u lei wan sëmbë unfa a sa feni möön soni a di töngö fëën a jw.org

  • Suku sëmbë u peleiki da. Te i go peleiki da sëmbë a de pisi, nöö peleiki da hii sëmbë di i ta miti a pasi, nasö dee ta sindo a wan wagi dendu ta wakiti wan sëmbë. Ee i ta peleiki a kamian ka hia sëmbë ta waka pasa, nöö buta hii i pakisei a hiniwan okasi di i sa feni u peleiki da wan sëmbë

  • Peleiki fajafaja. I musu ta mbei möiti u miti dee sëmbë dee an bi dë a wosu. Suku wan fasi u miti de. Kandë i sa go a wan woto juu nasö a wan woto daka a di wiki dendu. Kandë so u de joo sa miti te i sikifi wan biifi disa a de baka döö, te i bëli de nasö te i dë ta peleiki a sitaati

  • Go baka. Go luku wan sëmbë wantewante baka di bi kë sabi möön soni. Ee di sëmbë ta fan wan woto töngö, nöö suku u tja wan sëmbë di sa fan ku ën a di töngö fëën. I sa nango a di sëmbë u te kuma i feni wan peleikima dëën di ta fan di töngö fëën.​—od-SR bld. 94 pal. 39, 40

LUKU DI FËLÖN DE GO PELEIKI TEE A DEE MÖÖN LONGI KAMIAN U DI GOONLIBA, NÖÖ PIKI DEE HAKISI A BASU AKI:

  • Andi dee baaa ku dee sisa bi seeka a fesi, u de bi sa go peleiki da sëmbë di ta libi a longi kamian ka sëmbë an nango hesihesi? (1Ko 9:22, 23)

  • Andi da so soni di bi sa mbei a taanga da de te de go ala?

  • Andi da dee wini di de bi feni?

  • Un möiti i sa mbei fii sa miti möön sëmbë a di pisiwata ka i ta peleiki?