Skip to content

Skip to secondary menu

Skip to table of contents

Jehovah Kotoigi

Saamakatöngö

Di libi ku di diniwooko fuu kuma Keesitu sëmbë—Komakandi-buku  |  tinimu-liba 2017

 DI LIBI FUU KUMA KEESITU SËMBË

Unfa i sa ko dë wan sëmbë di ta öndösuku di Bëibel finifini?

Unfa i sa ko dë wan sëmbë di ta öndösuku di Bëibel finifini?

I bi o kë hoi dou kuma Daniëli te tesi ta miti i ö? Daniëli bi ta öndösuku di Wöutu u Gadu ku dee tjabukama woto finifini (Da 9:2). Te i ta öndösuku di Bëibel finifini, nöö a o heepi i fii hoi iseei a Jehovah. Faandi mbei u taki sö? Wë a sa mbei i ko abi möön biibi a Jehovah taa a o du dee soni dee a paamusi (Jos 23:14). Söseei a sa mbei i ko möön lobi Gadu, nöö a o heepi i fii ta du soni di ta kai ku ën (Ps 97:10). Ma ku andi joo bigi? Luku wantu soni aki.

  • Andi da dee soni dee mi sa öndösuku? Te i ta seeka iseei da dee komakandi, nöö i ta öndösuku soni tu. I sa möön feni wini u dee pisi u Bëibel dee u musu ta lesi hiniwan wiki, te i ta mbei ten u öndösuku dee soni dee ja ta kaba fusutan. Boiti di dë, so baaa ku sisa ta öndösuku dee tjabukama woto u Bëibel, dee fasi di di jeje u Gadu ta mbei sëmbë ko abi, dee kamian ka apösutu Paulosu bi go di a bi ta du di sëndëlengi wooko, ku dee soni dee Jehovah mbei. Ee i pakisei u wan hakisi di nama ku wan soni u Bëibel, nöö sikifi ën fii sa öndösuku ën te joo lei iseei soni u Bëibel.

  • Naasë mi sa feni dee soni di mi abi fanöudu u sa öndösuku soni? Luku di fëlön Dee soni dee u abi fuu sa öndösuku di Bëibel finifini fii sa feni wantu soni. U luku ee i sa’ u öndösuku soni, nöö go öndösuku luku ambë da dee tiima dee nama ku dee mbeti dee sikifi a Daniëli kapitë 7.

  • Un mëni juu longi mi musu tei u öndösuku soni? Te i abi di guwenti u ta öndösuku soni u Bëibel, nöö di biibi fii ta ko möön taanga. Ja a’ fu ta du ën longi, boiti ee a dë fanöudu, ma bakaten pikipiki i sa bigi ta du ën möön longi. Te i ta lei iseei soni a di Wöutu u Gadu, nöö a dë kuma te i ta suku goutu a wan kamian, ee i ta feni goutu, nöö möönmöön joo ta diki nango möön fundu! (Nön 2:3-6) Joo kë ko sabi soni u di Wöutu u Gadu möön gaanfa, söseei joo ko abi di guwenti u ta lei iseei soni u Bëibel hii juu.​—1Pe 2:2.

ANDI DEE MBETI DEE SIKIFI A DANIËLI KAPITË 7 KË TAKI?

WOTO HAKISI:

Unfa dee soni dee sikifi a Daniëli 7:8, 24 pasa tuutuu?

WAN WOTO SONI DI I SA ÖNDÖSUKU:

Andi dee mbeti dee sikifi na Akoalimbo kapitë 13 kë taki?