Skip to content

Skip to secondary menu

Skip to table of contents

Jehovah Kotoigi

Saamakatöngö

Di libi ku di diniwooko fuu kuma Keesitu sëmbë—Komakandi-buku  |  tinimu-liba 2016

 DI LIBI FUU KUMA KEESITU SËMBË

I ta wooko ku di JW.ORG kaita u?

I ta wooko ku di JW.ORG kaita u?

U di di gaan fuka dë a pasi ta ko, mbei di peleikiwooko fuu dë fanöudu seei (Nön 24:11, 12, 20). Ee u kë heepi sëmbë, nöö u sa da de di JW.ORG kaita di sa mbei de go lesi di Wöutu u Gadu, söseei di sa mbei de go a di website fuu. Di kaita abi wan code di ta tja de go a di fëlön Faandi mbei u musu lei soni u Bëibel?, söseei di ta tja de go a di pisi ka de sa sikifi ee de kë ko sabi möön soni fuu, nasö ee de kë lei soni u Bëibel. So sëmbë an ta kë dee buku fuu, ma de ta dë kabakaba u go a di website fuu. Ja musu biabia u da de di JW.ORG kaita. Ma ja musu da dee sëmbë dee an kë haika, di kaita aki.

Aluwasi naasë i nango, i sa da sëmbë di kaita aki. Boo taa i miti wan sëmbë, nöö i sa piki ën taa: „Mi abi wan soni aki di mi bi o kë da i. Di kaita aki ta taki u wan website ka i sa go u feni sömëni fëlön ku woto soni söndö fii paka” (Jo 4:7). Dee kaita aki an bigi, fëën mbei a bi o bunu fii tei wantu ta tja, sö taa i sa paati de da sëmbë te i feni di okasi.