Skip to content

Skip to table of contents

 DI LIBI FUU KUMA KEESITU SËMBË

Unfa u sa du di diniwooko fuu möön bunu​—Lei sëmbë unfa de sa go a di website fuu JW.ORG

Unfa u sa du di diniwooko fuu möön bunu​—Lei sëmbë unfa de sa go a di website fuu JW.ORG

FAANDI MBEI A DË FANÖUDU: Hii dee buku dee u ta lei sëmbë soni u Bëibel ta tja i go a jw.org. Ma de mbei di jw.org kaita ku di talakitaati Naasë u sa feni piki u dee möön fanöudu hakisi u di libi?, u lei sëmbë unfa de sa go a di website fuu. I sa go a jw.org, nöö i manda wan u dee buku dee u ta lei sëmbë soni u Bëibel a e-mail da wan sëmbë, nasö i sa manda di link u di buku dëën. Di fasi aki sa heepi i möönmöön te i ta peleiki da wan sëmbë di ta fan wan woto töngö. Söseei sëmbë sa hakisi u soni di di piki u de an dë u feni a dee buku dee u ta lei sëmbë soni u Bëibel, ma a dee woto buku fuu. Ee u sa’ u lei sëmbë unfa de sa go a di website fuu, nöö woo sa möön heepi sëmbë a di peleikiwooko.

DI FASI FA U MUSU DU ËN:

  • Go a di pisi „SAN BIJBEL E LERI”. Boo taa i peleiki da wan mama nasö wan tata di kë sabi möön soni u di fasi fa a sa kiija dee mii fëën, nöö andi i sa du? I sa go a di pisi SAN BIJBEL E LERI > TROWLIBI & OSOFAMIRI.

  • Go a di pisi „BUKU NANGA TRA SANI”. Boo taa i ta peleiki a siköö, nöö i kë lei wan mii fii kalasi di brochure Piki tapu 10 aksi di yongusma abi, nöö andi i sa du? I sa go a di pisi BUKU NANGA TRA SANI > BUKU NANGA BROCHURE.

  • Go a di pisi „OVER ONS”. Boo taa i peleiki da wan sëmbë di i ku ën ta wooko a di wan kamian, nöö a kë lesi wantu soni fuu faa ko sabi andi u ta biibi, nöö andi i sa du? I sa go a di pisi OVER ONS > VEELGESTELDE VRAGEN.

LUKU DI FËLÖN LEI SËMBË UNFA DE SA GO A DI WEBSITE FUU JW.ORG, NÖÖ BAKA DI DË, PAKISEI NA UN PISI U DI WEBSITE FUU I SA GO FII SA HEEPI:

  • wan sëmbë di an ta biibi taa wan Gadu dë

  • wan sëmbë di wan gaan hogi miti

  • wan baaa nasö wan sisa di an ta ko a zali möön nasö di an ta peleiki möön

  • wan sëmbë di i bi peleiki da di kë sabi naasë u ta feni möni u du di peleikiwooko

  • wan sëmbë u wan woto köndë di kë go a wan komakandi a di köndë fëën