Skip to content

Skip to secondary menu

Skip to table of contents

Jehovah Kotoigi

Saamakatöngö

Di libi ku di diniwooko fuu kuma Keesitu sëmbë—Komakandi-buku  |  tanvuuwata-liba 2016

 DI LIBI FUU KUMA KEESITU SËMBË

Unfa u sa peleiki möön bunu—Heepi dee Bëibel studie u de buta de libi a Gadu maun, nöö de tei dopu

Unfa u sa peleiki möön bunu—Heepi dee Bëibel studie u de buta de libi a Gadu maun, nöö de tei dopu

FAANDI MBEI A DË FANÖUDU: Ee dee Bëibel studie fuu kë u Jehovah feni de bunu, nöö de musu buta de libi a nëën maun, nöö de tei dopu (1Pe 3:21). Jehovah o tjubi dee sëmbë dee ta libi kumafa de paamusi ën di de buta de libi nëën maun (Ps 91:1, 2). Wan Keesitu sëmbë ta buta hën libi a Jehovah maun. An ta buta ën a wan libisëmbë maun, söseei an ta du ën da wan wooko nasö wan ölganisaasi. Fëën mbei dee Bëibel studie fuu musu ko lei u lobi Gadu, söseei u ta tei dee soni dee a du da de u bigi.Lo 14:7, 8.

FA U MUSU DU ËN:

  • Te i dë ta lei di studie fii soni u Bëibel, nöö un taki andi di pisi di un ta luku dë ta lei unu u Jehovah. Piki ën taa a dë fanöudu faa ta lesi di Bëibel hiniwan daka, söseei faa ta begi Jehovah „hiniwanten.”1Te 5:17; Jak 4:8

  • Dëën degihati faa buta di tei di a musu tei dopu kuma wan maaka di a musu dou. Ma i sa heepi ën faa sa bigi dou wantu woto maaka. Maaka kuma, da piki a dee komakandi, ta konda dee soni dee a ta lei da dee sëmbë dee ta libi nëën bandja nasö dee ku ën ta wooko a di wan kamian. Na fëëkëtë taa Jehovah an ta duwengi na wan sëmbë u dini ën. Hiniwan sëmbë musu taki da hënseei ee a kë buta hën libi a Jehovah maun.Det 30:19, 20

  • Dëën degihati faa tooka soni di a musu tooka nëën libi, sö taa Jehovah sa feni ën bunu, söseei faa sa dou di maaka u tei dopu (Nön 27:11). U di kandë wan Bëibel studie sa abi fasi nasö guwenti di taanga dëën u disa, mbei a sa dë fanöudu u ta heepi ën faa tooka di awoo fasi u libi tei di njunjun fasi u libi di ta kai ku Gadu (Ef 4:22-24). I sa ta konda dee woto dëën dee ta dë a di Waktitoren a di pisi „Bijbel e kenki sma libi”

  • Konda dëën taa i ta dë waiwai u di i ta dini Jehovah.Jes 48:17, 18