Skip to content

Skip to table of contents

 DI LIBI FUU KUMA KEESITU SËMBË

„Dee sëmbë Gadu tja ko makandi . . .”

„Dee sëmbë Gadu tja ko makandi . . .”

Wan u dee wëti di Jehovah bi da dee Isaëli sëmbë bi ta taki taa ee wan womi bi kë booko tööu, nöö a bi musu mbei wan pampia di ta lei taa a booko tööu. Di soni aki bi ta mbei taa sëmbë an bi sa booko tööu hesihesi. Ma a di ten u Jesosi dee keiki fesima bi mbei taa sëmbë bi sa booko tööu hesihesi. Dee womi bi sa booko tööu ku de mujëë u pikipiki soni hedi („wan pampia di ta lei taa wan womi tuwë hën mujëë” möön soni di i sa ko sabi u Mk 10:4, nwtsty; „booko tööu,” „waka da hën mujëë” möön soni di i sa ko sabi u Mk 10:11, nwtsty). Jesosi bi lei taa Jehovah hën seti di tööu libi, nöö hën abi di leti u taki unfa di tööu libi musu dë (Mk 10:2-12). Wan womi ku wan mujëë di tööu musu ko dë „wan sinkii”, nöö de musu dë ku deseei u nöömö. Di wan kodo soni di sa mbei wan womi ku wan mujëë booko tööu, hën da te wan u de waka da di wotowan kumafa a sikifi a di buku Mateosi.​—Mt 19:9.

A di ten aki sömëni sëmbë an ta si di tööu libi kumafa Jesosi bi ta si ën, ma de ta si ën kumafa dee Faliseima bi ta si ën. Te dee sëmbë u di goonliba aki abi wan bookohedi a de tööu libi, nöö hesihesi seei de ta booko di tööu. Ma Keesitu sëmbë ta hoi deseei a di buka di de bi mbei di de tööu, nöö de ta mbei möiti u du andi dee mama wëti u Bëibel ta taki, te de abi wan bookohedi a de tööu libi. Baka te i luku di fëlön Lobi ku lesipeki ta tja sëmbë u wan wosudendu ko a wan, nöö piki dee hakisi aki:

  • Unfa i sa du di soni di sikifi a Nöngö 15:1 a di tööu libi fii, nöö faandi mbei di soni aki dë fanöudu?

  • Unfa di du di joo ta du di soni di sikifi a Nöngö 19:11, o heepi i fii ta koti pasi da booko hedi a di tööu libi fii?

  • Ee soni an nango bunu a di tööu libi fii, nöö ka fii ta pakisei taa, ’Mi musu booko di tööu ö?’, nöö un soni i sa hakisi iseei?

  • Unfa i sa dë wan bumbuu womi nasö wan bumbuu mujëë te i ta du di soni di sikifi a Mateosi 7:12?